Гистология цитология ва эмбриология проф. Қ. Р. Тўхтаев таҳрири остида

Пластинкасимон суяк тўқимаси. 
Вояга етган организмда барча 
суяклар - ясси, найсимон суякларнинг асосий қисми пластинкасимон суякдан 
ташкил топган бўлади. Б
У 
суякнинг асосини суяк пластинкалари ташкил 
этиб, пластинкалар ингичка, бир-бирига параллел ҳолда жойлашган коллаген 
толалардан ва остеоцит ҳужайралардан иборат. Ҳар бир пластинкада 
коллаген толалар қўшни пластинкадаги коллаген толаларга нисбатан 
перпендикуляр жойлашади. Пластинкаларда толаларнинг бундай йўналиши 
суяк тўқимасини мустаҳкам қилади. 
Суяк пластинкаларининг жойланишига қараб икки хил суяк моддаси 
фарқ қилинади: компакт ва ғовак суяк. Компакт суякда пластинкалар бир-
бирига жипс бирлашиб параллел жойлашса ғовак суякда пластинкалар ҳар 
хил йўналишда, бир-бирига нисбатан турли хил бурчак ҳосил қилиб 
жойлашади ва уларнинг орасида кичик-кичик бўшлиқлар ҳосил бўлади.
Нишонланган радиоактив фосфор билан ўтказилган тажрибалар шуни 
кўрсатадики, ғовак суяк ўзида харакатчан фосфор тутиб, у осонлик билан 
қонга ўтиши мумкин. Компакт суяк эса ғовакка қараганда уч марта камроқ 
ҳаракатчан фосфор тутади. Шундай қилиб, минерал тузлар алмашинувида 
ғовак суяк асосий рол ўйнайди. 
Компакт суяк бир-бирига жуда ҳам жипс бирлашган суяк 
пластинкаларидан иборат бўлиб, унинг тузилишини ўрганиш учун найсимон 
суякнинг тузилиши билан танишиб чиқиш керак. 
 
НАЙСИМОН СУЯКНИНГ ГИСТОЛОГИК ТУЗИЛИШИ 
Маълумки, найсимон суякда анатомик жиҳатдан диафиз ва эпифиз 
қисмлари тафовут этилади. Диафиз қисми найсимон шаклда бўлиб, девори 
компакт қисмдан ташкил топган. Компакт моддаси эса бир-бирига жуда ҳам 
зич бирлашиб кетган суяк пластинкаларидан ташкил топган (расм 6.9). 
Эпифизлар эса ташки томонидан юпқа компакт суяк билан қопланган бўлиб, 
ички томони ғовак моддадан ташкил топган. Суяк ташқи томонидан юпқа 
бириктирувчи тўқима парда яъни суяк усти юпқа пардаси 
(
периост
) 
билан 
ўралган. 

---

Расм 6.9. Пластинкасимон 
суяк тўқимаси (схема). 
1 – периост
(а –толали қават 
б –остеоген қават)
2 – қон томирлари 
3 – нервлар 
4 – эндост 
5 – ташқи пластинкалар 
қавати 
6–тешиб 
ўтувчи коллаген 
толалар 
7–озиқлантирувчи канал 
8 – остеоген қават 
9 – остеон 
(е – марказий канал)
10–оралиқ пластинка
11 – ички пластинкалар 
қавати 
12 – остеоцитлар 
Суяк ички канали эса жуда юпқа парда 
(
эндост
) 
билан суяк кўмигидан 
ажралиб туради. Найсимон суякнинг компакт моддадан тузилган диафизида 
қуйидаги қаватлар: