Гистология цитология ва эмбриология проф. Қ. Р. Тўхтаев таҳрири остида

ЛИМФА ТОМИРЛАРИ 
Қон томир тизимидан ташқари, организмда тўқималараро суюқликни, 
яьни лимфа деб аталувчисуюқликни йиғувчи, девори юпқа лимфа томирлар 
системаси ҳам мавжуд.Соғлом одамда лимфа суюқлигининг таркибида қизил 
қонтаначаларини бўлмайди, бироқ лимфа суюқлиги лимфоцитларга ва 
оқсилларга бой бўлади, шунинг учун у оқиш рангда бўлади.Организмнинг 
лимфа системасига лимфа томирларидан ташқари улар билан анатомик ва 
физиологик узвий боғлиқ бўлган лимфатик тугунчалар ҳам киради. Лимфа 
суюқлиги олиб келувчи лимфа томирлари орқали лимфатик тугунчаларга 
қуйилади, бу ерда у лимфоцитларга бойийди, зарарли антигенлардан 
тозаланади, уларга нисбатан антитаначалар ишлаб чиқарилади, тозаланган 

---

лимфа суюқлиги олиб чиқувчи лимфа томири орқали катта лимфа 
томирларига, ундан эса вена қон томирларига қуйилади.
Тўқималарда лимфа томирлари бир учи берк найчалар шаклида бошланади 
ва улар ўзаро туташиб лимфа капиллярлари тўрини ҳосил қилади. 
Капиллярлар аъзо ичидаги лимфа томирларига айланади, булар эса, ўз 
навбатида қўшилиб, аъзодан лимфа суюқлигини олиб кетувчи томирларни 
ҳосил қилади. Барча аъзолардан чиққан лимфа томирлари ўзаро қўшилиб 
бориб, ниҳоят иккита йирик лимфа томирини ҳосил қилади. Улар эса йирик 
веналарга қуйилади.
Лимфа капиллярлари тузилиши бўйича қон капиллярларига ўхшасада, 
бир қатор фарқ қиладиган хусусиятлари ҳам бор. Лимфа капиллярлари қон 
капиллярларидан кенг бўлиб, бир учи берк найчалар шаклида бошланади. 
Уларнинг девори бир қават эндотелий ҳужайраларидан иборат, бироқ улар 
қон капиллярларининг эндотелий ҳужайраларидан бир неча марта каттадир. 
Лимфа капиллярларининг эндотелий ҳужайраларида митохондриялари қон 
капиллярлариникига нисбатан йирикроқ бўлади ва цитоплазмада бир текис 
жойлашади. Эндоплазматик тўр, микропиноцитоз пуфакчалари анча кам 
учрайди. Лимфа капиллярларида базал мембрана ва перицитлар бўлмайди. 
Лимфа капиллярлари эндотелий ҳужайралари ўзаро ва бириктирувчи 
тўқиманинг оралиқ асосий моддасига эластик толалар тутувчимаҳсус 
тузилмалар орқалибирикади. Лимфа капиллярлари девори тузилишининг 
хусусиятлари уларнинг дренаж функциясига ниҳоятда мос келади (расм 
12.4).