Гиснинг асосий тушунчалари билан танишиш

Растрли тасвирлар
Растрли тасвир — сурат, фотосурат ёки бошқа график материалларни растрли нуқталар йиғиндиси шаклида компьютерда тасвирланишидир. Растрли тасвир пиксел (pixsel — тасвир элементи) деб аталувчи рангли ёки оқ — қора нуқталардан иборат бўлади, векторли тасвир эса нуқталарнинг бирор бир координата тизимидаги Х ва У координатасини белгилашдан ҳосил қилинади. Растрли тасвирлар устига MapInfo дастурида яратилган картани жойлаштириш мумкин.
MapInfo да растрли тасвирлар фақатгина кўриш учун фойдаланилади — уларга ўзгартириш киритиш мумкин эмас. Одатда улар векторли карталар учун картографик асос сифатида фойдаланилади, чунки тасвирнинг деталлашганлик даражаси векторли карталарга қараганда анча юқоридир.
MapInfo сканирлар билан бевосита алоқа қилмасада, бошқа дастурлар асосида тайёрланган тасвирлар файлларини бемалол ўқийди. Растрли тасвир планшетли сканир ёрдамида тузилади, бунинг учун картографик манбани сканирнинг объектив ойнаси устига жойлаштириш ва сканирлаш жараёнини амалга ошириш керак.
Растрли тасвирни фазовий боғлаш (ёки рўйхатга олишда) ҳамда уни векторлаш учун картографик проекция ва координаталар тизими танланади.


MapInfo дастурида карта тузиш ишларини бошлаш йўллари


MapInfo дастурида ишни бошлаш учун 2 марта MapInfo иконасини таъкидлаб кўрсатиш керак (1-расм).
1-расм. MapInfo даструрининг иконкаси
Б ир неча секунддан сўнг “Сеанс бошланиши” “Начало сеанса” диалоги пайдо бўлиб, унда Сиздан сеансни нимадан бошлаш керак эканлиги сўралади (2-расм).
А гар Сиз MapInfo билан аввал ишлаган бўлсангиз, сўнгги сеансгача бўлган шакл ҳолатини тиклашингиз мумкин.
2-расм. MapInfo дастурида ишни бошлаш диалоги
Бунинг учун "Аввалги сеансни тикланг" "Восстановить прошлый сеанс" ёки охирги фойдаланган “Аввалги иш йиғиндиси" "Предыдущий Рабочий набор" ёки бошқа иш йиғиндиси "Рабочий набор" ни очишингиз мумкин. Агар Сиз MapInfo билан биринчи марта ишлаётган бўлсангиз, "Жадвални" "Таблицу" шаклни танлашингиз керак. Янги ГИС дастурини тузишда ҳам "Жадвал" "Таблица" ни танлашингиз керак.