Gimnastika (yakkakurash, koordinatsion va siklik sport turlari)

19.3. Davolash gimnastikasi
Davolash gimnastikasi — amaliy gimnastika turlaridan biri bo‘lib, davolash jismoniy tarbiya vositalaridan sanaladi.
Maxsus tanlab olingan gimnastik mashqlari jarohatlanish va davolanishdan keyin yo‘qotilgan harakat funksiyalarini qayta tiklash uchun, bemor odamning rivojlanishi va uni jismoniy tarbiyalash uchun, shuningdek, kasalliklarning oldini olish uchun vrach maslahatiga ko‘ra qo‘llaniladi.
Davolash gimnastikasining taraqqiyoti uchun P.F. Lesgaft, V.V. Gomevskiy, N.I. Pirogov, I.M. Sechenov, I.P. Pavlov va boshqa olimlaming faoliyati katta ahamiyatga ega bo‘ldi. Davolash gimnastikasi kishilarni davolash va mehnat qobilyatini tez tiklash-ning ta’sirchan vositasi sifatida keng tarqaldi. U, ayniqsa, Ikkinchi Jahon urushi yillarida gurkurab rivojlandi. Gospitallar ish tajribasi shuni ko‘rsatdiki, davolash gimnastikasini qo'shgan holdagi majmua davolashda yarador va kasal askar hamda ofitserlaming sog‘ayishiga yordam beribgina qolmasdan, balki ulaming jangavor qobiliyatini ham tez tiklashga, vatan himoyachilari qatoriga qaytishlariga ko‘maklashdi.
Hozirgi vaqtda davolash gimnastikasi davolashning sinovdan o‘tgan va ishonchli uslubidir. Ko‘pgina tuman poliklinikalarida davolash gimnastikasi xonalari tashkil qilingan, ularga jismoniy zaif, qon almashtirish, nafas olish, ovqat hazm qilish organlari,

asab sistemasi buzilgan va hokazo kamchiliklari bo‘lgan, shuning­ dek, jarohatlangan shaxslar qatnab turadilar.