Гидротехника иншоотлари

 
2.1.2. Гидроузеллар ва гидротизимлар ҳақида тушунча 
Биргаликда ишлаш шароитлари ва жойлашуви бўйича бирлаштирилган 
бир гуруҳ гидротехника иншоотларига гидроузел деб аталади. 
Жойлашган ўрнига кўра гидроузеллар дарёлардаги, каналлардаги, 
денгизлардаги, кўллардаги ва ҳавзалардагиларга бўлинади. Асосий вазифаси 

---

бўйича гидроузеллар энергетик, сув транспорти, сув олувчи, суғориш ва бошқа 
гидроузелларга бўлинади. Гидроузеллар кўпинча комплекс тарзда қурилади ва 
асосий вазифасига кўра улар сув олувчи – энергетик, транспорт – энергетик 
ва ҳоказоларга бўлинади. Масалан, Туябўйин гидроузели (2.1-расм) суғориш ва 
энергетика, Зарафшон дарёсидаги «Биринчи май» гидроузели суғориш учун 
мўлжалланган. 
 
 
 
 
 
 
 
 
 
 
 
 
 
 
 
 
 
 
 
 
 
 
 
2.1. – расм. Туябўйин гидроузели схемаси: 
1-ўзандаги сув омбори; 2-Копарас сув омбори; 3- Султонсанжар сув омбори; 4-
Қўшбулоқ сув омбори; 5-Туябўйин гидроузели тўғони; 6-ГЭС; 7-Ўнг қирғоқ магистрал 
канали; 8-Чап қирғоқ магистрал канали; 9-Питнак арна канали; 10- Туркмандарё; 11-Тиниқ 
сув ташлагич канали; 12- сув чиқаргич; 13- Қўнғирот-Тошкент темир йўли; 14 – Урганч-
Тошкент автомобил йўли; 15- Урганч-Тошкент темир йўли. 
Гидроузеллар босимли ва босимсиз турларга бўлинади. Босимли 
гидроузеллар уларга таъсир қилувчи сув босимига кўра уч гуруҳга бўлинади: 1) 
паст босимли (босим 10 м гача); 2) ўрта босимли (босим 10...50 м); 3) юқори 
босимли (босим 50 м дан ортиқ). Ўрта босимли гидроузеллар кўпинча электр 
энергиясини ишлаб чиқариш ва сув жамғариш учун, яъни сув билан таъминлаш 
мақсадида катта ҳажмли сув омборларини ташкил қилиш учун қурилади. 
Юқори босимли гидроузеллар асосан энергетик, ирригация ва транспорт 
ўтказиш вазифаларини бажаради. Дарёлардан сув олиш ва транспорт 
мақсадларида фойдаланиладиган паст босимли гидроузеллар дарёнинг текис 
қисмларида қурилади.
Умуман сув хўжалиги мақсадларини ечиш учун хизмат қилувчи маълум 
узоқликдаги масофада жойлашган гидроузеллар мажмуасига гидротизимлар 
деб аталади. 

---

Ҳозирга қадар Мустақил Давлатлар Ҳамдўстлиги (МДҲ)да ҳар хил 
вазифани бажарувчи жуда кўп сондаги гидротизимлар қурилган. Уларни энг 
катталаридан бири Шимолий Кавказдаги Кубан-Калаус суғориш-сув чиқариш 
тизими бўлиб, ундаги кўп сонли иншоотлар тугуни ёрдамида 200 минг га ер 
майдонини суғориш, 3 млн.га. майдонга сув чиқариш ва сув билан таъминлаш 
мумкин. 
Ўзбекистонда суғоришга мўлжалланган Қарши, Миришкор, Катта 
Фарғона, Андижон, Аму-Бухоро каби йирик гидромелиоратив тизимлар 
қурилган. Чорвоқ, Большая-Алма-Атинка, Зани дарёларида эса гидроэнергетик 
тизимлар мавжуд.