Gidronimlar bilan bog‘liq ma’lumotlar

GIDRONIMLAR BILAN BOG‘LIQ
MA’LUMOTLAR

“Yangi tong “ Mahalla fuqarolar yig‘ini hududidan Andijon viloyatidan oqib keluvchi Qolgandaryoning bir qismi oqib o‘tadi.Bu daryo Qoradaryoning Andijon viloyati Baliqchi tumani va Namangan viloyati Norin tumani janubiy hududidan o‘tgan qolgan o‘zani.Daryoning chap sohiliga sho‘r tuproq va qumloq yerga qurilgan (1848-1850) kanalni 1876-yilda daryo suvi yuvib keta boshlagan.1883-yil suv toshqini natijasida Qoradaryo tamoman kanalga oqa boshlagan. Daryo o‘zani balandda qolib ketgan. Daryo Baliqchi tumani Chinobod yaqinida yana eski o‘zaniga burib yuborilgan. Qoradaryoning shimolida qolib ketgan 20 km uzunlikdagi o‘zani Qolgandaryo nomi bilan atalgan. Qolgandaryo keyinchalik sizot suvlar bilan to‘lgan. XX asrdan beri sholikorlikda foydalaniladi. Qolgandaryo Qoradaryoning eski o‘zani, barcha sizot suvlarni yig‘ib Qoradaryoga qo‘shiladi. Norin tumanining janubi-g‘arbiy tomonida joylashgan. Qoradaryoning eski o‘zani bo‘lganligi sababli Qolgandaryo (daryodan qolgan qism) nomi bilan ataladi. Aholi tilida sizot suvlarni yig‘ib oquvchi kanal ma'nosidagi zakan so‘zi bilan ataladi.(rus. канава)