Гидрометрия

Эмпирик ифодалар ёрдамида жонли кесма майдони ва оқимнинг ўртача тезлиги бўйича сув сарфларини аниқлаш. Бу усулнинг моҳияти шундаки, жонли кесма майдони дарёнинг мавжуд кўндаланг кесими бўйича аниқланади. Ўртача тезлик эса Шези ифодаси ёрдамида ҳисобланади. Сув сарфи майдон (F)ни ўртача тезлика ( _ўрт)га кўпайтириб топилади:


. (1.42)

Шези ифодасининг умумий кўриниши қуйидагича:

, (1.43)

бу ерда: C — Шези коэффициенти, м^0,5 /с; R — гидравлик радиус (ёки ўртача чуқурлик h_ўр); I — сув юзасининг нишаблиги (нивелировлаш ёрдамида аниқланади). Шези коэффициенти Н.Н. Павловский ифодаси билан аниқланади:

, (1.44)

бу ерда: n — ғадир-будурлик коэффициенти. (М.Ф.Срибний бўйича ўзанлар учун n=0,025). Бетон қопламали каналлар учун: n=0,018, y — даража кўрсаткичи бўлиб,Н.Н. Павловскийнинг қуйидаги ифодаси ёрдамида топилади:

y = 2,5n-0,13-0,75 . (1.45)

Сув сарфини гидрометрик новлар ёки ташламалар ёрдамида аниқлаш усули кўпроқ ирригацияда қўлланилади. Шу мақсадда махсус сув ўлчагич ташламаларнинг Томсон, Чиполетти каби бир қанча турлари яратилган.

Сув ўлчаш қурилмалари. Сув сарфларини ўлчаш кичик дарёларда, сойларда, ариқларда, новларда, сув кочириш ва суғориш каналларида турли сув ўлчаш қурилмалари ёрдамида олиб борилади. Улар гидрометрик новлар, сув ташламалар, диафрагмалар, сув ўлчаш насадкалари, прис­тавкалар, қувурли сув ўлчовчи регуляторлар, махсус белгиланган ўзанлар ва бошқалардир.
Гидрометрик новларнинг кесми тўғри бурчакли ва трапециодал шакилда бўлади. Улар кенг бўсағали сув ташлама орқали суюқликнинг оқиб ўтиш схемаси бўйича ишлашади. Бу гидрометрик новлардаги сув сарфини аниқлаш учун сув сатҳлари фарқи маълум бўлса етарли. Шунинг учун фақат сув сатҳлари Н кузатилади.
Сув сарфини ўлчашда юпқа девори сув ташламалари ҳам ишлатилади. Унда сув сарфи ҳисоблаб топилади. Ҳисоблашларда юқорида ўрнатилган сув ўлчаш рейкаси кўрсатган сув сатҳи (Н) ва сув ташламанинг эни (В) хакидаги маълумотлардан фойдаланилади. Сув ташламалар ёрдамида 0,0005 дан 10 м³ /с гача бўлган сув сарфини ўлчаш мумкин. Амалиётда трапециодал, учбурчак, тўғри бурчакли ва параболик сув ташламалари ишлатилади (1.30-расм).