"Geterolazerlar" fanining maqsad va vazifalari. Kirish

Fanning ilm-fan va ishlab chiqarishdagi o’rni

Fanning amaliy ahamiyati geterolazerlar asosida ishlovchi sistemani suyuqlik va gazlardagi mikrozarralarning harakat va parametrlarini aniqlashda, geofizik masalalarni yechishda, meteorologiyada, olisdagi ob’ektlarni zondlashda qo’llash imkonyatlarining mavjudligi bilan bog’liq. Bunday qurilmalar atmosfera optikasi, ximiya, biologiya, meditsina kabi fan yo’nalishlarida ilmiy izlanishlar olib borishda asosiy ilmiy uskuna vazifasini bajarmoqda.

Fanni o’qitishda zamonaviy axborot va pedagogik texnologiyalar

Talabalarning ushbu fanni o’zlashtirishlari uchun o’qitishning zamonaviy usullardan foydalanish, yangi informatsion va pedagogik texnologiyalarni tadbiq qilish muhim ahamiyatga egadir. Dasturda ko’rsatilgan mavzular ma’ruza, amaliy va laboratoriya mashg’ulotlari shaklida olib boriladi. Fanni o’qitishda elektron materiallar, kompyuter texnologiyasi, internet resurslari shuningdek, ta’limning ilg’or axborot va pedagogik texnologiyalardan foydalanish tavsiya etiladi. Fanning ma’lum masalalari talabalarga mustaqil ish sifatida o’zlashtirish uchun beriladi. Dars o’tkazishda quyidagi pedagogik texnologiyalar qo’llanilishi mumkin: ma’ruzalarda - prezentatsiya, interaktiv munosabat, diskussiya; amaliy mashg’ulotlarda - kichik guruhlarda ishlash, aqliy hujum, mustaqil tadqiqot.