Geografiya: xaritali, rasmli va jadvalli savollar to‘plami

UO‘K: 91(079.1)
KBK: 26.8v6
M 14
Mamadiyorov, A., Sag‘dullayev, Q., Ibragimov, Sh.
Geografiya: xaritali, rasmli va jadvalli savollar to‘plami [Matn] / 
A.Mamadiyorov, Q.Sag‘dullayev, Sh.Ibragimov. – Toshkent: «Akadem-
nashr», 2021. – 528 b.
M 14
UO‘K: 91(079.1)
KBK: 26.8v6

---

3
MUQADDIMA
Keyingi yillarda oliy ta’lim muassalariga kirish imtihonlari soddalashtirilib, test 
tizimi zamonaviy talablar asosida rivojlantirilmoqda. Xususan, geografiya 23 ta ta’lim 
yo‘nalishiga asosiy fan sifatida kiritilib, bu fandan ham xaritali, rasmli va jadvalli sa-
vollarning test topshiriqlari sifatida berilishi shular jumlasidandir.
Geografiya fanidan test tizimini takomillashtirish, keng kitobxonlar ommasi uchun 
mo‘ljallangan ilmiy-ommabop nashrlarni kengaytirish davr talabiga aylanib bormoq-
da. Bu borada so‘nggi 3 yil davomida bir qator ishlar amalga oshirildi. “Geografiya 
fanidan test savollari to‘plami” (N.Tuyg‘unova, Sh.Ibragimov), “Geografiya: savol-
lar to‘plami” (A.Mamadiyorov, Sh.Ibragimov), “Geografiyadan variantlar to‘plami”
(A.Mamadiyorov, Q.Sag‘dullayev), “Geografiya fanidan ma’lumotnoma” 
(A.Mamadiyorov, Sh.Ibragimov, Q.Sag‘dullayev, H.Sattorov) abituriyentlar uchun mu-
him qo‘llan malar vazifasini o‘tamoqda. Sizga taqdim etilayotgan “Geografiya: xaritali, 
rasmli va jadvalli savollari to‘plami” ham ushbu ishlarning uzviy davomi hisoblanadi.
“Geografiya: xaritali, rasmli va jadvalli savollari to‘plami” test tizimining zamo-
naviy talab va tavsiyalari asosida ishlab chiqilgan. Hozirgi kunda oliy ta’lim muassala-
riga kirish imtihonlariga geografiya fanidan nazariy savollar bilan bir qatorda mantiqiy, 
mulohaza yuritishga undaydigan amaliy topshiriqlar ham kiritilmoqda. Ushbu to‘plam 
bu boradagi bilimingizni oshirib, ko‘nikma va malakangizni shakllantirishga yordam 
beradi.
To‘plam umumiy o‘rta ta’lim maktablari darsliklari va o‘quv atlaslaridan foyda-
langan holda tuzilgan. U o‘z ichiga 1350 ta savolni olgan va quyidagi 3 ta bo‘limdan 
iborat:
1. Xaritali savollar
2. Rasmli savollar
3. Jadvalli savollar
To‘plam umumta’lim maktablari o‘qituvchilari, o‘quvchi-yoshlar, abituriyentlar 
uchun mo‘ljallangan.
Geografiya fani statistik ma’lumotlarga tayangani uchun to‘plamdagi savollar 
ham doimo yangilanib boraveradi. To‘plam haqidagi fikr-mulohazalaringizni quyidagi 
elektron manzilga yuborishingiz mumkin. Biz ularni ko‘rib chiqib, keyingi nashrlarda 
albatta inobatga olamiz. Barchangizga omad yor bo‘lsin!
E-mail: [e-mail]
Mualliflardan

---

4