Гeoгрaфия

MЫРЗАШӨЛ ЭКОНОМИКАЛЫҚ 
АУДАНЫ
Оқулық қосымшасындағы 1-кестеден аудан 
халқының санын және ауданын анықта.
Экономикалық орны және табиғи байлықтары. 
Мырзашөл экономикалық ауданы Сырдария мен 
Жызақ облыстарынан құралған. 
Аудан аймағы өркендеген Ташкент және Зараф-
шан экономикалық аудандарымен шектесiп тұрады. 
Ауданның экономикалық орнын қолайлы деуге болады. 
Экономикалық географиялық орнының қолайлылығы 
ауданның көлiк-географиялық жағдайында да айқын 
көзге түседi. 
70-суреттен темiржол, автокөлік жолы және құбыр көлігі қайсы 
аймақтардан өткенiн қарап шық.
Ауданды, негiзiнен Сырдария мен Сангзар өзендерi сумен қамтамасыз 
етедi. Жазықтық заманауи көлiк және ирригация құрылымдарымен тығыз 
қамтылған. Ауданда анықталған вольфрам, қорғасын, мырыш, мыс, боксит 
және алтын кендерi өнеркәсiпте өте маңызды. Құрылысқа қажеттi шағыл, 
құм, гипс және әк тас көп. 
Көбінесе Арктиканың суық ауасы солтүстiктен аудан аймағына 
кіріп келіп, кейде өте суық болады. Сол кезде жемiс ағаштары қатты 
зақымданады. Ал Ферғана алқабынан есетiн күштi желден топырақтың 
ылғалы қашып, егiндер қурайды және өнiмдiлiк төмендейдi.
Халқы
. Бұл жердiң халқы, негізінен басқа жерлерден жоспар бойынша 
көшiрiп әкелiнген. Аудан халқының жалпы саны бойынша мемлекеттің 
экономикалық географиялық аудандарының арасында ең соңғы орында тұрады. 
Аймақтың жаңа игерiлiп жатқаны қала мен қыстақтардың географиялық 
орналасуы, көлемi және халықтың ұлттық құрамынан айқын байқалады. 
Елді мекендері, негiзiнен үлкен жолдың бойларында орналасқан. 
Халықтың 45 пайыздан астамы қалаларда жасайды.
Ауданға Ташкент және Самарқант қалаларының жоғары оқу орындары 
да мамандар дайындап беруде. Бiрақ ауданның даму болашақтарын көздеп, 
бұл жерге Зарафшан, Ферғана, Ташкент секiлдi экономикалық аудандардан 
бiлiктi мамандарды жұмылдыру жөн болар еді.