География фанидан масалалар тўплами

Фарғона вилояти Фурқат тумани ХТМФМТТЭ бўлими тасарруфидаги 6- умумий ўрта таълим мактаби География –иқтисод фани ўқитувчиси


АЗАМАТОВ ХУРСАНАЛИНИНГ
ГЕОГРАФИЯ ФАНИДАН МАСАЛАЛАР ТЎПЛАМИ




Қушчи қишлоғи 2015 йил
МАСАЛАЛАР ТЎПЛАМИДАН ФОЙДАЛАНИШ БЎЙИЧА ЙЎРИҚНОМАЛАР.

Ўзбекистон республикасининг “Кадрлар тайёрлаш миллий дастури”, “Таълим тўғрисида”ги қонун ҳамда замон талабидан келиб чиққан ҳолда таълим соҳасини янги адабиётлар, услубий ва методик қўлланмалар билан таъминлаш хозирги куннинг асосий талабларидандир. Ушбу талабларидан келиб чиққан холда ўқув режалари мазмунига асосланиб ўқувчиларни билим савиясини ошириш, дунёқарашларини шакллантириш мухим ахамият касб этади. Шулардан келиб чиққан холда ўқувчилар билимини, дунёқарашларини шакллантириш, кенгайтириш мақсадида турли хилдаги, қизиқарли ва керакли бўлган адабиётлар билан таъминлаш нихоятда мухимдир. Ушбу қўлланма айнан шуларни кўзда тутиб тайёрланди.

Ушбу қўлланмани тузишда бир қанча йирик мутахассис олимларимиз фикрлари, методик кўрсатмаларини уйғунлаштирган ҳолда мактаб, академик лицей ва касб ҳунар коллежлари ўқитувчилари ва ўқувчилари учун учун географик фанларнинг мисол ва масалалар тўпламини яратишга харакат қилдик. Ушбу тўпламда келтирилган мисол ва масалалар 1997-2003 йиллар давомида Давлат тест маркази томонидан чиқарилган ахбаротномалар асосида тузилди. Қўлланмадан фойдаланиш учун савол номеридан кейин берилган масалал нечанчи йилги ахбаротноманинг қайси сони ва қаси саволида берилганилиги ҳам бериб кетилган. Мисол 30. 97/5/10. – 30 масала 1997 йил ахбаротномасининг 5-сони, 10 саволига тўғри келади. Қўлланмани икки қисмдан иборат десак бўлади. Биринчи қисмда масалаларни ечиш учун адабиётларда берилган назарий маълумотлар келтирилган. Бу маълумотлар маслаларни ечишда калит бўлади. Иккинчи қисмда эса масалалар ва уларнинг ечилиш йўллари кўрсатилган. Қўлланмада мактабларнинг 5-9 синфлари ва академик лицей, касб – ҳунар коллежларининг “Амалий география” курсларининг асосий назариялари дан фойдаланилди.
Китобчани тайёрлашда ўзининг қимматли маслахатларини аямаган вилоят иқтидорли болалар мактаби география фани ўқитувчиси С. Хабибжоновага, вилоят педагог ходимлар малакасини ошириш ва қайта тайёрлаш институти табиий фанлар кафедраси ўқитувчиси М. Пайзиевага ўз миннатдорчилигимизни билдириб қоламиз.
Ушбу маълумотлар тўплами ўқитувчи, ўқувчи, абитуриентлар ва кенг оммо учун мўлжалланган. Хато ва камчиликлар учун ўз узримизни билдириб қоламиз ва талаб таклифларингизни [phone] ёки [e-mail] электрон почтамизда кутиб қоламиз.