Геодезиядан 1-практикум

Жойнинг энг баланд ва паст участкаларини аниқлаш. Бу масалани ечими шундай аломатлар мажмуаси: горизонталлар ва релъефнинг характерли нуқталари баландликларининг ёзувлари, гидрография объектлари, геодезик пунктлар (тепалик жойларда маҳкамланадиган)нинг мавжудлиги, ўсимлик-ларни жойлашиши ва бошқалар орқали амалга оширилади. Шунда, планнинг бўлагида (12 - шакл) релъеф шаклининг тавсифи ва горизонталлар баландлигининг ёзувлари бўйича кўриш мумкинки, жойнинг энг баланд нуқтаси бўлиб, тоғнинг чўкққиси (унда баландлиги 165,3 м га тенг геодезик пункт ўрнатилган) ҳисобланади.

12 – шакл. Топографик картанинг фрагменти

Жойнинг энг паст нуқтасининг жойлашишини ушбу участкадаги гидрография объектлари бўйича кўриш мумкин. Баландликларни ёзилиши бўйича кўриш мумкинки, кўл сувининг сатҳи 154,0м баландликка эга.

Характерли нуқталар баландликларининг ёзувлари бўлмаган ҳолда, энг паст ва энг баланд нуқталар баландликларининг қийматлари 26 параграфда келтирилган, горизонталлар бўйича интерполяция усулини қўллаб аниқлаш мумкин.
Мустақил ечиш учун масалалар

1. 
   Картада белгиланган (нуқталар горизонталда жойлашган) икки нуқталар орасида жойда ўзаро кўриниш мавжудлигини аниқланг.
   
2. 
   Картада берилган нуқтадан катта қиялик тиклиги билан чизиқ ўтказилсин.
   
3. 
   Картада релъефнинг асосий шакллари аниқлансин, улар чизилиб, бергштрихлари қўйилсин ва қалин горизонталларнинг баландлиги ёзилсин.
   
4. 
   Берилган бўлакнинг ҳудудида жойнинг энг паст ва энг баланд нуқталарининг ўрни аниқлансин.
   

5. Карта бўлагида унга нисбатан иккита сув айирғич чизиқларни ўтказадиган сув йиғилувчи чизиқ кўрсатилсин.
6. Берилган йўналиш бўйича қийматлари маълум баландликлари билан икки нуқта орасидаги нисбий баландлик аниқлансин.
7. 13, а - шаклда, релъеф кесим баландлиги аниқлансин.
8. 13, б - шакл асосида, тўрта қиялик чизилсин ва АВ (текис, дўнг, ботиқ, ўзгарувчан) чизиқлар бўйича уларнинг шакли аниқлансин.
9. 13, в - шакл бўйича А нуқтадан В нуқтагача нисбий баландлик аниқлансин.
10. Нуқтанинг баландлиги Н = 117,8м. Унга яқин горизонтал баландлиги аниқлансин, агарда релъеф кесими баландлиги h₀ = 5м бўлса.
11. Тепалик чўққисининг баландлиги Н = 258,7м. Унга яқин горизонтал баландлиги аниқлансин, агарда релъеф кесими баландлиги: 1м; 2,5м; 5м; 10м га тенг бўлса.
12. Чуқурлик тубини баландлиги Н = 208,6м. Унга яқин горизонтал баландлиги аниқлансин, агарда релъеф кесими баландлиги: 2,0м; 2,5м; 5м; 10м га тенг бўлса.



13 - шакл. Планда релъефни тасвирланган парчаси (фрагменти)
бўйича релъеф кесими баландлиги, қияликларнинг шакли ва
нисбий баландликлари аниқлансин