Геоахборот тизими технологиялари

Геоахборот тизимида қўлланиладиган атамалар

Ушбу ўқув қўлланмада ГАТда қўлланиладиган баъзи атамалар келтириб ўтилади ва фойдаланувчига тушунарли бўлиши учун қуйида уларнинг маънолари ва қисқартмалари тўғрисида бир қатор маълумотлар берамиз.
Карта (ингл. мап, чарт; грек. чартес – варақ маъносини билдиради) ер юзи ва унинг айрим катта қисмининг сферик юзасига туширилган проексиясининг қоғоздаги кичрайтирилган тасвиридир. Карта маълум картографик проексия ёки зонал тизимдаги тўғри бурчакли координатада тузилади.
Номенклатура деб топографик карталарни варақларга бўлиш ҳамда бу варақларни белгилаш, яъни уларга ном бериш тизимига айтилади.
Рақамли карта (нумериcал, дигитал мап) – карталарни проексиялашда, координата ва баландлик системасини аниқлашда қабул қилинган картографик генерализатсиялаш қонунлари асосида ташкил этилган юзанинг рақамли модели, бошқача айтганда, рақамли картографик маълумот. Рақамли карта картографиялаш, карта аниқлиги, генерализатсия, шартли белгилар тизимининг барча меъёрлари ва қоидалари асосида яратилади. Рақамли карта оддий қоғозли, компютер ва электрон карта яратишда асос бўлиб хизмат қилади ва картографик маълумотлар базаси таркибига киради. Шу билан бирга, у ГАТ ахборот таъминотининг муҳим элементларидан ҳисобланиб, бир вақтнинг ўзида ГАТ жараёнларининг натижаси ҳам бўлиши мумкин.
Компютер картаси – бу автоматлашган картографиялашнинг воситалари (графоқурилма, плоттер, принтер, дигитайзер ёрдамида қоғозда, пластикда, фотоплёнкадаги тасвир) ёрдамида график қурилмада чиқарилган карта туридир.
ГАТ технологиялари – бу ГАТнинг функсионал имкониятларини амалга оширишга ёрдам берувчи ва уни яратувчи технологик асосдир.
Геоахборот таҳлили – геомоделлаштириш ва фазовий таҳлил усулларини қўллаган ҳолда обект ва ҳодисаларнинг жойлашуви, тузилиши ва ўзаро боғлиқлигини таҳлил қилувчи бўлим.

Геоинформатика – илмий, технологик ва ишлаб чиқариш фаолияти бўлиб: