Genetikadan masala ishlash

126-masala. Oq patli tovuq va xo‘rozlar o‘zaro chatishtirilganda, keyingi avlodda olingan jo‘jalarning 1365 tasi oq patga va 315 tasi rangli patga ega bo‘lgan. O‘rganilayotgan belgi qanday qonuniyatga asosan irsiylanadi? Nazariy xulosangizni statistik metod yordamida izohlab bering.

127-masala. Oq patli tovuqlar boshqa bir zotga mansub oq xo‘rozlar bilan chatishtirilganda, F₁ da olingan jo‘jalarning hammasi oq patli bo‘lgan. F₁ tovuq va xo‘rozlari chatishtirilganda esa F₂ da olingan jo‘jalarning 13/16 qismi oq patli va 3/16 qismi qora patli bo‘lgan. O‘rganilayotgan belgining irsiylanish qonuniyatini va barcha tovuq hamda xo‘rozlarning genotipini aniqlang, nima uchun F₂ da 13 : 3 nisbatda ajralish ketish sababini tushuntiring. F₁ tovuqlari retsessiv oq patli xo‘rozlar bilan va gomozigotali qora xo‘rozlar bilan chatishtirilsa, keyingi avlodda jo‘jalar pat rangi bo‘yicha qanday fenotipga ega bo‘ladi?