Genetik xilma- xillik. Dnk replikatsiyasi va rekombinatsiyasi

1.2 . Mavzuning dolzarbligi.
O‘zbekiston Respublikasi o‘z mustaqilligiga erishgandan so‘ng barcha sohalar kabi genetika, molekulyar biologiya va kelajak fani deya e‘tirof etilayotgan biotexnologiya fani ham jadallik bilan rivojlanib bormoqda. Hozirda olib borilayotgan ilmiy va amaliy ishlarni yanada mukammallashtirish maqsadida sohaga doir yangi texnika va texnologiyalarni hayotga tadbiq qilishga katta ahamiyat berilmoqda. O‘zbekiston Respublikasi mustaqillikka erishgandan so‘ng qishloq ho‘jaligiga bo‘lgan munosabat tubdan o‘zgardi. Shu boisdan jahon miqyosida xalq ho‘jaligida keng ko‘lamda qo‘llanilayotgan genomika fanining yutuqlarini mukammal egallash va bu fan usullarini amaliyotga tadbiq etish katta ilmiy-amaliy ahamiyat kasb etadi. Yuqoridagilardan kelib chiqqan holda, mazkur tadqiqot ishida genomika fani, uni xalq ho‘jaligidagi ahamiyati, istiqbollari, inson iste‘moli uchun havfsiz bo‘lgan transgen organizmlar olish, olingan mahsulotlarni inson salomatligi uchun ta‘siri kabi masalalаrni o‘rganilgani va tahlil qilinganligi ishning dolzarbligini tashkil qiladi. Muammoning o‟rganilganlik darajasi. Biotexnologiya ixtisosligi bo‘yicha birinchi o‘zbek akademigi A.G.Xolmurodov Fuzarium avlodiga mansub zamburug‘lardan NAD-kofermenti va vitaminlar kompleksi (V guruhiga kiruvchi vitaminlar, vitamin PP, Q 10 va x.k.) tayyorlash texnologiyasini yaratdi. Professor Q.D.Davranov MDH mamlakatlarida birinchilardan bo‘lib yog‘ parchalovchi lipaza fermentini tayyorlash texnologiyasini yaratdi. Q.D.Davranov yaratgan "Er malhami" biopreparati, azot o‘zlashtiruvchi mikroorganizmlar asosida tayyorlangan bo‘lib, mamlakatimiz Qishloq ho‘jaligida keng qo‘llanilmoqda. O‘zbek olimlaridan T.G.G‘ulomova, Z.R.Axmedova, S.M.Xodjiboeva, Z.F.Ismoilov, I.J.Jumaniyozov va boshqalar mamlakatimizda mikrob biotexnologiyasining rivojlantirish ustida chuqur ilmiy va amalliy ishlar olib borganlar [Davronov Q., 2008].
Tadqiqotning maqsadi va vazifalari.
Genetika va genomika fanining xalq ho‘jaligidagi ahamiyati, respublikamizda fanning istiqbollari, erishilgan yutuqlarni va muammolarini o‘rganish, biomuhandislik texnologiyasi orqali yetishtirilgan transgen mahsulotlar va ularning inson salomatligiga ta‘sirini o‘rganish ishning maqsadi va vazifalarni tashkil qiladi.