Газобетон ишлаб чикариш учун боғловчи ва тулдирувчи моддалар

Бетон қоришмасини тайёрлаш учун сув. Бетон қоришмасини тайёрлашда ичимлик учун мўлжалланган сув ишлатилади. Бундай сувнинг водорат кўрсаткичи рН=4 дан кам бўлмаслиги шарт. Яъни, сув нордон бўлмаслиги ва лакмус қоғози ботирилганда қизил рангга айланмаслиги керак. Сув таркибида сульфатлар 2700 мг/л ва бошқа ҳамма тузлар 5000 мг/л дан ошмаслиги лозим (SO₄ ионларига қайта ҳисобланганда). Сувнинг яроқлилигига шубҳа пайдо бўлганда, назорат-текшурув намуналарни берилган сув ва оддий ичимлик суви билан тайёрлаб текшириш зарур.
Бетон қоришмасини тайёрлаш учун денгиз ва бошқа шўр сувдан хам фойдаланиш мумкин. Бунда сув юқорида қўйилган талабларга жавоб бериши шарт. Уй-жой ва жамоат биноларининг ички конструкцияларини бетонлашда, иссиқ ва қуруқ об-ҳаво шароитида фойдаланиладиган темирбетон иншоотларда, денгиз ва шўр сувдан фойдаланиб бўлмайди. Чунки бундай сувдаги тузлар бетон сиртига чиқиб, пўлат арматурани занглатади.