Газ хўжалигида хавфсизлик қоидаларини тасдиқлаш тўҒрисида

Ҳурматли ходим ва талабалар маълумки қиш мавсумида ҳаво ҳароратини кескин пасайиб кетиши билан фуқароларимиз томонидан хонадонларни иситиш мақсадида турли хилдаги ёқилғи махсулотлари, ҳар хил турдаги иситиш ва газ ускуналаридан фойдаланишга бўлган эҳтиёж кундан кунга ошиб бормоқда.
Бу эса ўз навбатида ёнғин ва техника хавфсизлиги қоидалари талабларини бузилиши натижасида хонадонларда табиий газ ва ҳаво аралашмасининг чақнашига, фуқароларнинг ис газларидан захарланиб қолиш эҳтимолини ошишига олиб келмоқда.
Афсуски жойларда олиб борилаётган тушунтириш ва тарғибот тадбирларига қарамасдан аҳоли орасида табиий ва ис газларидан заҳарланиш, турли хил тан жароҳатлари олиш билан боғлиқ нохуш ҳолатлар учрамоқда.
Бундай ҳолатларни олдини олиш учун эса қуйидаги оддий қоидаларга қатъий амал қилиш зарур:
иситиш мавсуми бошланиши олдидан печлар, қозонхоналар, сув иситиш колонкаларининг созлиги, мўриконларининг тозалигини текшириб чиқинг;
носоз, ностандарт, қўлбола ясалган иситиш ва газ мосламаларидан фойдаланишига асло йўл қўйманг;
болалар ва имконияти чекланган кишиларни назоратсиз қолдирманг;
табиий газдан фойдаланишда турли хилдаги резина шланглар, турли хил газ сўргичлардан фойдаланманг;
чет давлатларда ишлаб чиқарилган иситиш мосламаларидан фақат йўриқнома билан яхшилаб танишиб чиққандан кейингина фойдаланинг;
Агар хонага табиий газнинг тўлиб қолганлигини сезиб қолсангиз !
газ плиталари ва иситиш печларини газ тармоғидан ўчиринг;
дарров эшик ва деразаларни очиб, хонани шамоллатинг;
хонада электр жихозларини ёқманг, ёниқ бўлса ўчирманг, чунки бу ёнғин ёки газ ва ҳаво аралашмасининг чақнашига сабаб бўлиши мумкин;
агар газ чиқаётган жойни ўзингиз аниқлай олмасангиз, 104 телефони орқали шаҳар ва туман газлаштириш идоралари авария таъмирлаш гуруҳларига қўнғироқ қилинг.
Азиз ходим ва талабалар юқоридаги қоидаларига риоя қилиш орқали ўзингиз ва яқинларингиз ҳаётини, мол-мулкингизни Фавқулодда вазиятлардан ва нохуш ҳолатлардан асраб қоласиз.
ФММХ бўлими бошлиғи
Н.Р.Джураева

«Ҳудудгазтаъминот» компанияси иситиш қурилмаларининг дудбуронларини текшириш бўйича йўриқнома эълон қилди

Хоразм вилояти Янгиариқ тумани, Остона қишлоғида яшовчи 45 ёшли К.Ғ., турмуш ўртоғи ва 2 нафар фарзандлари қўлбола иситиш печининг ёнида ухлаб қолиб, хона ичига тарқалган ис газидан заҳарланиб, вафот этгани ҳақида хабар берилган эди.
Ҳаво ҳароратининг пасайиб бориши натижасида аҳоли томонидан хонадонлардаги ёз мавсумида ишламай турган иситиш жиҳозлари ишга туширилади. Лекин аксарият ҳолларда фуқаролар томонидан ускуналарни ишлатиш йўриқномаси талаблари ва техника хавфсизлиги қоидаларига амал қилинмаслиги оқибатида кутилмаган кўнгилсиз ҳодисалар келиб чиқиши мумкин. «Ҳудудгазтаъминот» компанияси ана шундай ҳолатларнинг олдини олиш учун иситиш қурилмаларининг дудбуронларини текшириш бўйича йўриқнома берди.