G`a`rezsizlik ha`m milliy g`a`rezlik ideyasi: tiykarg`i tusinik ha`m printsipleri kontseptsiyasinin` islep shig`iliwi. Jobasi

G`a`rezsizlik ha`m milliy g`a`rezlik ideyasi: tiykarg`i tusinik ha`m printsipleri kontseptsiyasinin` islep shig`iliwi.
Jobasi:
Milliy g`a`rezsizlik ideyasi: tiykarg`i tusinik ha`m printsipler kontseptsiyasinin` islep shig`iliwinan maqset.
Ma`mleketimiz g`a`rezsizliginin` ruwxiy negizlerin bekkemlew
Kontseptsiyanin` tiykarg`i maqseti.

O`zbekstan Respublikasi I.Karimov milliy g`a`rezsizlik ideyasi: tiykarg`i tusinik ha`m printsipleri kontseptsiyasina ta`riyp berer eken, “Xaliqti ulli keleshek ha`m ulli maqsetlerge qaray birlestiriw, ma`mleketimizde jasaytug`in, milleti, tili ha`m dinine qaramastan ha`r bir puqaranin` jalg`iz watan baxit ig`bali ushin barqulla juwapkershilik sezip jasawg`a shaqiriw, atv-babalarmizdin` biybaxa miyrasi, milliy qa`driyat ha`m da`sturlerimizge ilayiq boliwg`a erisiw, joqari pa`ziyletli ha`m ka`mil insanlardi ta`rbiyalaw, olardi jaratiwshiliq islerine bag`darlaw, usi muqaddes el ushin pidayiliqti o`mir mazmunina aylandiriw - milliy g`a`rezsizlik ideyasinin` bas maqseti”, - deydi.

Belgili, XXI a`sir insaniyat tariyxinda jedel suwretler menen rawajlaniw da`wiri, ekonomikaliq, sotsialliq-siyasiy qatnasiqlardin` mazmunliq jaqtan jan`a basqishi sipatinda sa`wlelenbekte.
O`zbekstan g`a`rezsizlikti qolg`a kiritkennen keyin dunya ma`mleketleri ha`m xaliq araliq sho`lkemler menen sotsial-siyasiy, ekonomikaliq, ma`deniy, ruwxiy-ag`artiwshiliq qatnasiqlari kunnen kunge ken`eyip barmaqta.
G`a`rezsizlik sebepli milliy o`zlikti an`law joqari ma`nistegi jan`a ma`mleket ha`m ja`miyet institutlarin sho`lkemlestiriw imkaniyati payda boldi.
O`tken da`wir dawaminda elimizde mazmunliq jaqtan jan`a ekonomikaliq, sotsialliq-siyasiy, ma`deniy-ag`artiwshiliq qatnasiqlar sistemasi jolg`a qoyildi. Dunyaqarasi, ma`nawiyati ha`m intellektual potentsiali putkilley jan`asha bolg`an jan`a a`wlad qa`liplesti. Bugingi tezlik penen o`zgerip atirg`an da`wir ha`mmeden jan`asha qaras ha`m pikirlewdi talap etpekte.
Ma`mleketimiz g`a`rezsizliginin` ruwxiy negizlerin bekkemlew, milliy qa`driyatimiz, urp-a`det, da`sturlerimizdi asirap -abaylaw, xalqimiz, a`sirese, jas a`wlad qa`lbine ana-watang`a muxabbat, milliy g`a`rezsizlik ideyasina sadiqliq sezimlerin teren` sin`diriw barisinda bir qatar reformalar a`melge asirilmaqta.
Ja`ha`nde ideologiyaliq, ideyaliq ha`m informatsion gureslep kusheyip baratirg`an bugingi mashaqatli ha`m qa`wipli da`wirde ruwxiy-ag`artiwshiliq islerdi zaman talaplari tiykarinda jolg`a qoyiw barg`an sayin aktuallaspaqta. Ma`mleketimiz g`a`rezsizligi, tinish-tatiw ha`m pa`rawan turmisimizg`a qa`wip tuwdiriwi mumkin bolg`an ha`r turli ideologiyaliq hujimlerge qarsi izshil gures alip bariw ha`m bul boyinsha islerdi ja`ne de janlandiriw respublika ruwxiyliq ha`m ag`artiwshiliq ken`esinin` a`meliy ugit-na`siyat bag`darinda iskerlik alip baratug`in respublika ruwxiyliq ugit-nasiyat orayi ha`m de ilimiy-a`meliy bag`darda iskerlik alip baratug`in Milliy ideya ha`m ideologiya ilimiy-a`meliy orayi, ken`eske ag`za sho`lkemler, tiyisli birlespeler ha`m ka`rxanalar ruwxiy ag`artiwshiliq ugit-na`siyat iskerliginin` a`hmiyetli buwinina aylanbaqta.
Tez pa`t penen o`zgerip baratirg`an zamanda, ja`miyetimizde kerek bolsa, putkil dunyada juz berip atirg`an protsesslerden xabardar bolip bariwdi talap etpekte. Tezlik penen o`zgerip baratirg`an zaman Birinshi Prezidentimiz I.Karimov aytip o`tkenindey, ideyag`a qarsi ideya, jawizliqqa qarsi ag`artiwshiliq penen na`tiyjeli gurese alatug`in jankuyer ugit-na`siyatlawshilardi toliq bag`darlawdi talap etpekte. Sebebi, ha`zirgi intellektual-informatsiya a`siri kun ta`rtibine waqiyalar rawajinan bir qa`dem aldinda juriw, sotsialliq ha`diyselerdin` o`zgeriw tendentsiyalarin ilimiy boljap bariw tiykarinda iskerlik jurgiziw, zaman menen ten`dey jasawdi talap etpekte.
Bunday jag`dayda Birinshi Prezidentimizdin` “Tek g`ana erkin pikirleytug`in, iyman-isenimi bekkem, ata-babalarimizdan miyras bolip kiyatirg`an iygilikli qa`driyatlarg`a sadiq bolg`an insan g`ana bunday ta`sirlerge ushpaslig`i, tuwri joldan adaspawi mumkin. Bunin` ushin, a`lbette, birinshi gezekte perzentlerimizdi joqari bilim ha`m ma`nawiy pa`ziyletler menen qurallandiriwimiz, bizge jat bolg`an turli ziyanli ag`imlardan qorg`aniw ushin xalqimizg`a bul boyinsha haqiyqatti jetkeriw, bunday qa`wip-qa`terden adamlardi, a`welembar, jas a`wladti haqiyqat penen qorg`ay aliwimiz za`rur”, degen pikirleri biz ushin ko`rsetpe boladi.
Kontseptsiyanin` tiykarg`i maqseti
Huqiqiy demokratiyaliq ma`mleket ha`m kushli pukaraliq ja`miyetti quriwdan ibarat bolg`an milliy strategiyani a`melge asiriw Kontseptsiyanin` tiykarg`i maqsetin quraydi. Bul maqset shen`berinde to`mendegi bag`darlarda ken` ko`lemdegi islerdi a`melge asiriw talap etiledi:
-o`zbek xalqinin` bay tariyxiy, ilimiy, ko`rkem, ma`deniy- ag`artiwshiliq ha`m etikaliq miyrasin ha`r bir puqaranin` ruwxiy mulkine aylandiriw, milliy o`zlikti an`latiw maqsetin ustem bag`dar sipatinda a`melge asiriw, milliy ideya ha`m ideologiyani xalqimizdin` qa`lbi ha`m sanasina teren` sin`diriw, oni ruwxiy ha`m ma`nawiy kush-qudiret deregine aylandiriw;
-watan azatlig`i jolinda qaharmanliq ko`rsetken ulli ata-babalarimizdin` ibratli o`mirin ken` tusindirip bariw, siyasiy protsesslerge, g`a`rezsizlik jillarinda erisilgen jen`isler analizi tiykarinda ja`miyettin` ha`r bir ag`zasi qa`lbinde milliy maqtanishti kusheytiw, hesh qashan, hesh kimge qarasli bolmaw tuyg`isin kamal taptiriw;
-xaliqtin` barliq qatlamlarinda tiykarinan jaslarda belsendi puqaraliq pozitsiyasin qa`liplestiriw, pidayiliq ha`m watanpa`rwarliq tuyg`ilarin bekkemlew, olarda dunya ha`m ma`mleket ko`lemindegi siyasiy protsesslerge erkin ha`m sanali munasibette boliw sezimin oyatiw;
-ja`miyette o`z ara insaniy qatnasiqlar, hurmet-izzet, mexir-miriwbet, milletlerara tatiwliq, diniy bawriken`lik ideyalarin qa`liplestiriw protsesslerin milliy ideya ha`m ma`nawiyat printsipleri menen uyg`in ta`rizde sistemali ha`m uzliksiz ugit-na`siyatlap bariwdi jolg`a qoyiw;
-turli g`alaba xabar qurallari ha`m internet tarmaqlarinda tarqatilip atirg`an, urp-a`detlerimiz, milliy mentalitetimizge qarsi, a`depsizlik ha`m ta`rbiyasizliqti ugit-na`siyatlawshi buzg`inshi ideyalardin` jaslarimiz sanasina unamsiz ta`sir o`tkeriwinin` aldin aliw;
- ta`rbiyaliq islerdi ja`ne de jetilistiriw,jaslarda joqari ma`nawiy ha`m ma`deniy qa`siyetlerdi qa`liplestiriw, uliwmainsaniy qa`driyatlar, milliy o`zlikti an`law, maqtanish, salamat turmis ta`rizin qarar taptiriw, bay tariyxiy -ma`deniy miyrasqa tiykarlang`an halda erkin shan`araqliq turmisqa tayarlaw, xalqimizdin` a`zeliy da`stur ha`m urp-a`detlerine tiykarlang`an xalda ja`miyette o`z ornin tabiw, ka`sip-o`ner iyelewge bolg`an qizig`iwshilig`in kusheytiw;
- joqari oqiw orinlarinda studentlerdin` jetekshilik ka`siyetlerin ko`rsete aliwlari ha`m de basqariw sheberligi ko`nlikpesin payda etiwine ken` qamrawli imkaniyatlar aship beriliwin ta`miynlew;
-jaslardin` ilim-pa`n tarawindag`i iskerligin asiriw, ilimiy-do`retiwshilik umitiliwlarin juzege shig`ariw;
-jaslardin` sotsialliq-siyasiy iskerligin asiriw, ma`mleketimizde alip barilip atirg`an reformalar mazmunin ken` ugit-na`siyatlaw arqali olardin` huqiqiy ma`deniyatin joqarilatiw;
-jaslardin` turli tarawlarda erisip atirg`an jen`islerin ken` ugit-na`siyatlaw ha`m olardin` sanasinda barkamal shaxs idealin qa`liplestiriw arqali zamanimiz qaharmanlarin kamal taptiriw;