Galogenlar. Galogenlarning vodorodli birikmalari galogenlarni kislorodli birikmalari, oinishi va xossalari

6-tajriba. Yodning suvda va organik erituvchilarda eruvchanligi. A)Probirkaga yodning 1-2 ta kristalidan soling va uning ustiga 5-6 tomchi suv qo’shing. Probirkani chayqating. Eritma qanday rangga kiradi?
B)SHu probirkaning o’ziga kaliy yodid eritmasidan 3-4 tomchi tomizing va yana probirkani chayqating. Yod kaliy yodid eritmasida qanday rangga kiradi?
V)Boshqa bir probirkaga 1-2 ta yod kristalidan soling va uning ustiga 5-6 tomchi biror organik erituvchi-spirt, benzol yoki benzin qo’shing. Probirkani chayqating.
Organik erituvchilarda yod qanday eriydi va eritma qanday rangga ega bo’ladi? Yod suvda yaxshi eriydimi?


7-tajriba. Yodning sublimatlanishi. Quruq chinni kosachaga yod kristallaridan bir nechasini soling, kosacha ustiga voronka to’nkarib, kosachani shtativ halqasiga joylashtiring va tagidan bir oz isiting. Nima kuzatiladi?


8-tajriba. Vodorod xloridning olinishi va xossalari. Bir probirkaga ozroq osh tuzi soling va unga 2-3 ml kons. H₂SO₄ quying. Probirka og`zini gaz o’tkazuvchi nay o’rnatilgan probka bilan bekiting. Nayning uchini ikkinchi probirkaning tubigacha tushiring va probirka og`ziga paxta tiqing. Birnchi probirkani bir oz isiting. Ikkinchi probirkada oq tutun paydo bo’lgach, bu probirkani asbobdan olib barmoq bilan bekiting va to’nkarib suvli kosachaga botiring. Suv ostidan barmog`ingizni oling. Nima kuzatiladi? Probirka og`zini suv ostida yana barmoq bilan berkiting, uni suvdan oling va probirkada hosil bo’lgan eritmani indikator yordamida tekshirib ko’ring. Reaksiya tenglamasini yozing.


9-tajriba. Vodorod galogenidlarining kons. H₂SO₄ bilan o’zaro ta’siri. Uchta probirkaga NaCl, NaBr, NaJ (KCl, KBr, KJ) lardan 0,5-1g dan solib, har bir probirkaga 2-3ml kons. H₂SO₄ quying. Probirkalarni ohista qizdiring. Keyingi ikkita probirkada brom va yodning ajralib chiqishi natijasida eritmalar rangining o’zgarishini kuzating.
Vodorod galogenidlarning qaytaruvchi xossalarini bir-biriga solishtiring va tegishli reaksiya tenglamasini yozing.