G. Q. Hasanova, Z. B. Jalilov

Mavzuni takrorlash va mustahkamlash uchun savollar hamda topshiriqlar:

1. 
   Malakaviy amaliyot haqida tushuncha bering.
   
2. 
   Malakaviy amaliyotning maqsadi va vazifalarini tushuntiring.
   
3. 
   Malakaviy amaliyot qaysi turlarga bo’linadi.
   
4. 
   Talabalarning pedagogik amaliyotiga qo‘yiladigan talablar haqqida maa’lumot bering.
   
5. 
   Maktabgacha ta'lim muassasalarida malakaviy amaliyotni tashkil etish tartibini tushuntiring.
   
6. 
   Malakaviy amalimyot jarayonda talabalar bajarishlari lozim bo’lgan ishlar haqida ma’lumot bering.
   

15-MAVZU. PEDAGOGIK AMALIYOT DASTURINI
ISHLAB CHIQISH,PEDAGOGIK AMALIYOTGA

RAHBARLIK QILISH METODIKASI

Tayanch iboralar: malakaviy amaliyot, malakaviy amaliyot dasturi, pedagogik amaliyot, amaliyot hisoboti, amaliyot hujjatlari, amaliyot rahbari.
15.1. Talabalarning malakaviy amaliyot jarayonida bajargan ishlarini hisobga olish Malakaviy amaliyot davrida talabalar olib borgan o‘quvtarbiyaviy ishlari, kuzatishlari bo‘yicha kundalik daftar yuritadilar. Unda amaliyot dasturi bo‘yicha olingan topshiriqlarning bajarilishi xaqidagi ma'lumotlar, o‘quv-pedagogik tavsifnomaga taalluqli ma'lumotlar ifodalanadi. Amaliyot yakunida hisobotlar tayyorlashda talabalar daftardan foydalanadilar.
Guruh rahbari, pedagogika, psixologiya va mutaxassislik kafedrasi o‘qituvchilaridan iborat komissiya taqdim etilgan hujjatlar va tavsifnomaga asosan talaba bajargan ishlarga tegishli ballarda baho qo‘yadi. Baho nazoratining reyting tizimi asosida qo‘yiladi.
Malakaviy amaliyotining yakuniga bag‘ishlab o‘quv yurtida yakuniy konferensiya o‘tkaziladi.
15.2. Amaliyot rahbarining majburiyatlari

• 
  Dastur asosida ishchi reja tuzish;
  
• 
  Amaliyot o‘tkazilayotgan muassasa va tashkilotga muntazam qatnab turish;
  
• 
  Talaba-amaliyotchilar tomonidan mazkur ishchi dastur
  

talablarining bajarilishini nazorat qilish;

• 
  Talabaning amaliyot talablariga munosabati va ongli mehnat intizomini nazorat qilish;
  
• 
  Maktab direktori, ilmiy bo‘lim mudiri, tarbiyaviy ishlar tashkilotchisi, ilg‘or o‘qituvchi va murabbiylarning maslahatlarini olish hamda ular bilan suhbat uyushtirish;
  
• 
  Talabaning ona tili va adabiyot, odobnoma darslarini kuzatish va maslahatlar berish;
  
• 
  Talabalarning amaliyotga doir hujjatlari bilan tanishish va o‘rgatish;
  
• 
  Tegishli jurnal yuritish, talabaning amaliyot bo‘yicha hisoboti, tavsifnomasini o‘rganish, pedagogik kengashda qatnashish, reyting nazoratini tashkillash hamda kafedra, fakul'tet dekanatiga hisobot yozish.