G. Q. Hasanova, Z. B. Jalilov

Mavzuni takrorlash va mustahkamlash uchun savollar hamda topshiriqlar:

1. 
   Pedagogik texnologiya haqida ma’lumot bering?
   
2. 
   O‘qitish metodikasi va pedagogik texnologiyalarning farqli tomonlarini ko‘rsating.
   
3. 
   Mutaxassislik fanlarini o‘qitishda pedagogic texnologiyalaridan foydalanilanish afzalliklarini tushuntiring.
   
4. 
   Mutaxassislik fanlarini o‘qitishda qo‘llaniladigan interfaol usullarni izohlang .
   
5. 
   Aqliy hujum metodi haqida ma’lumot bering.
   

GLOSSARIY

Amaliy mashg‘ulotlar – maxsus jihozlangan xona yoki alohida ajratilgan tajriba maydonida tashkil etilib, tahsil oluvchilarda ular tomonidan o‘zlashtirilgan nazariy bilimlarni amaliyotda qo‘llay olish ko‘nikma va malakalarini hosil qilishga yo‘naltirilgan ta'lim shakli.
Analiz metodi – 1) pedagogik tadqiqot metodi bo‘lib, unda tekshirish ob'ekti fikran tarkibiy elementlarga ajratib tadqiq qilinadi; 2) o‘quv vaziyatini har tomonlama tahlil qilish, chuqur tekshirish, o‘rganish.
Analitik metod – tahlil qilishga yo‘naltirilgan ta'lim metodi
Annotasiya – kitob, qo‘llanma va shu kabilarning ahamiyati, mazmuni haqida qisqacha ma'lumot.
Anologiya – o‘xshash- paradigma.
Auditoriya – oliy va o‘rta maxsus o‘quv yurtlarida dars o‘tkaziladigan xona.
Axborot-ta'lim muhiti – ta'lim jarayonida yangi ma'lumotlarni olish imkonini beradigan o‘quv vaziyati.
Axborot texnologiyalari – ta'lim jarayonida axborot olish imkonini beradigan loyihalar.
Axborot texnologiyasi – axborotni hosil qilish, saqlash, komp'yuter yordamida qayta ishlashni ifodalovchi faoliyat sohasi.
Axborot texnologiyasini tatbiq etish muhiti bilan o‘zaro bog‘lik bo‘lgan jarayonlarga oid aloqadorlikni o‘z ichiga oladigan ko‘nikma va vositalar tizimidir.
Baho deb baholashning ball shaklida ko‘rsatilgan son jihatdan o‘lchamiga aytiladi.