G. N. Maxmudova innovatsion iqtisodiyot

 
9.2. Oʻzbekistonda start-ap biznes 
Innovatsion loyiha 
–
yangi ishlanmalar yaratish uchun bajarish 
muddatlarini, 
ijrochilarni, 
moliyalashtirish 
manbalarini 
va 
tegishli 
infratuzilmani shakllantirishni nazarda tutuvchi tadbirlar majmuidir. 
Soʻnggi yillarda mamlakatimizda turli sohalarda amalga oshirilayotgan 
islohotlar qatorida innovatsion tadbirkorlik, venchur va startap ekotizimini 
rivojlantirish sohasida ham tub ijobiy oʻzgarishlar kuzatilmoqda. 
Innovatsion gʻoyalar, startaplar, venchur loyihalarni moliyalashtirish 
tizimini shakllantirish va takomillashtirishga, ilmiy tadqiqotlar natijasini 
ishlab chiqarishga tatbiq etish sur’atlarini oshirishga qaratilgan qator 
me’yoriy-huquqiy hujjatlar qabul qilindi. 
2018 yilning 24 noyabrida “Tadbirkorlik va innovatsiyalar sohasidagi 
loyihalarni moliyalashtirish mexanizmlarini takomillashtirish boʻyicha 
qoʻshimcha 
chora-tadbirlar 
toʻgʻrisida”gi 
Oʻzbekiston Respublikasi 
Prezidentining Farmoni qabul qilingan. Mazkur qaror bilan investitsiyalarni, 
xususan xorijiy sarmoyalarni samarali jalb qilish maqsadida investitsion va 
boshqaruv kompaniyalarini tashkil qilish amaliyotini kengaytirish koʻzda 
tutilgan. 
Ta’kidlash joizki, yuqori texnologiyalarga asoslangan tadbirkorlik 
startap loyihalarini moliyalashtirishda hissasi boʻlgan venchur kompaniyalari 

---

144 
2023 yilning 1 yanvariga qadar yagona ijtimoiy toʻlovdan tashqari barcha 
turdagi soliqlar va majburiy toʻlovlardan ozod etiladi. 
Oʻzbekiston Respublikasi Vazirlar Mahkamasi tomonidan 2019 yilning 
17 may kuni tasdiqlangan “Investitsiya va boshqaruv kompaniyalari 
faoliyati” toʻgʻrisidagi Nizom investitsiya va boshqaruv kompaniyalarining 
maqsadi, vazifalari, tamoyillari, faoliyat turlari va monitoringini amalga 
oshirish tartibini belgilaydi, shuningdek, ushbu kompaniyalarning venchur 
moliyalashtirish borasidagi faoliyatini muvofiqlashtiradi. 
Oʻzbekistonda venchur ekotizimini rivojlantirishga qaratilgan ishlarni 
amalga oshirish maqsadida Innovatsion rivojlanish vazirligi tomonidan 
tadbirkorlik sub’yektlarining xabardorligini oshirish va biznes vakillarining 
mazkur jarayonda ishtirokini kengaytirish boʻyicha maqsadli siyosat olib 
borilmoqda. 
Amalga oshirilayotgan islohotlar doirasida 2019 yildan buyon 
respublikamizda innovatsion va startap loyihalarini moliyalashtiruvchi 
investitsion kompaniyalar va venchur fondlarini yaratish va tashkil etish 
sohasida qator ishlar olib borildi. 
Bugungi kunga kelib innovatsion faoliyatni moliyalashtiruvchi 10 taga 
yaqin kompaniya tashkil etilgan boʻlib, “ASTRON FUND ADVISORS” 
venchur jamgʻarmasi shular jumlasidandir. Jamgʻarma mablagʻlarni 
qaytarish boʻyicha yuqori salohiyatga va Oʻzbekiston iqtisodiyotiga ijobiy 
hissa qoʻshish imkoniyatiga ega boʻlgan istiqbolli loyihalarga dastlabki 
bosqichlarda investitsiya kiritish orqali moliyaviy koʻmak beradi va 
mentorlik qiladi. 
Bugungi kunga kelib, “ASTRON FUND ADVISORS” venchur 
jamgʻarmasi tomonidan tanlab olingan loyihalar doirasida uchta investitsiya 
kelishuvi imzolandi
38
. 
Oʻzbekiston Respublikasi Innovatsion rivojlanish vazirligi va U-Report 
hamkorlikda startaplar boʻyicha soʻrov oʻtkazishdi. Maqsad esa yoshlarning 
Start-up (startap) loyihalari haqidagi tushunchalarini oʻrganish, qaysi sohada 
oʻzlarining Start-up loyihalarini rivojlantirishni xohlashlari va startap-
loyihalar mamlakatdagi innovatsiyalar va iqtisodiyotning rivojlanishiga 
ta’siri haqidagi fikrlarini oʻrganish boʻlib, soʻrovda mamlakat boʻylab 8800 
dan ortiq respondentlar qatnashdi. 
38
https://mininnovation.uz/uz/news/17-01-2020-startap-loyiha

---

145 
Soʻrov natijalari Innovatsiya vazirligiga Start-up harakatlarini va intellektual 
mulk bozorini rivojlantirish, yoshlarning oʻz gʻoyalarini bozorda targʻib 
qilishda hayotiy pozitsiyalarini yaxshilash uchun zarur.