G‘. N. Mahmudov

 1.5.  AVTOMOBILLARNING  ELEKTR TA’MINOT TIZIMNING   
TEXNIK QAROVI 
Avtomobil elektr tarmog‘idagi kuchlanishning  o’zgarish doirasi belgilangan 
qiymatga  nisbatan  3%  dan  ortishi  mumkin  emasligini  e’tiborga  olib  generator  va 
kuchlanish  rostlagichining  ishonchliligiga    ancha  yuqori  talablar  qo’yiladi. 
Kuchlanish qiymatining tebranishi 

 5% gacha ortsa lampalardagi yorug‘lik oqimi 
20%  gacha  o’zgaradi,  kuchlanishning  musbat  qiymatlarida  esa  ularning  xizmat 
muddati  deyarli  2  marta  kamayadi.  Rostlanayotgan  kuchlanishning  qiymati 
belgilangandan  10…12%  ga  yuqori  bo’lganda  akkumulatorlar  batareyasining 
xizmat muddati  2…2,5 marta qisqarishi aniqlangan. 
Generator qurilmasining samarali va ishonchli ishlashi uni dvigatelga yaxshi 
mahkamlanishi  va  yuritma  tasmasining  tortilish    tarangligini  belgilangan 
me’yorda bo’lishiga ko’p jihatdan bog‘liqdir. 
Generator 
dvigatelga 
yaxshi 
mahkamlanmasa 
uning 
mahkamlash 
quloqchalari    uzilib  tushishi  mumkin.  Yuritma  tasmasining  tortilish    tarangligi 
me’yordan kam bo’lishi uni shkivda sirpanishiga, rotorning aylanishlar chastotasi 
va generator ishlab chiqayotgan kuchlanishining pasayishiga olib keladi. 
Yuritma tasmasining tortilish tarangligini tekshirish uchun  uning   generator 
va  suv  nasosi  shkivlari  o’rtasidagi  qismiga  belgilangan  qiymatdagi  kuch  bilan 
bosiladi.  Tasmaning  egilish  darajasi  avtomobilning  ishlatish  yo’riqnomasida 
qo’rsatilgan qiymatga mos kelishi kerak. Masalan ВАЗ avtomobillarining yuritma 
tasmasi 10 kg kuch bilan bosilganda 10…15 mm chegarasida egilishi kerak.   
Elektromagnit  va  kontakt-tranzistorli  kuchlanish  rostlagichlarining  ishonchli 
ishlashi ko’p jihatdan prujinalarning tavsifnomasini barqarorligi va kontaktlarning 
eroziyaga  (metalni  bir  kontatdan  ikkinchi  kontaktga  ko’chishi)  chidamliligi  bilan 
belgilanadi.  Kontaktsiz-tranzistorli  va  integral  kuchlanish  rostlagichlarning 
ishonchliligi esa o’rnatilgan elektron asboblarning (tranzistor, stabilitron, diod va 
hokazo) sifati va ularni yig‘ish saviyasiga bog‘liq bo’ladi.  
Elektr  ta’minot  tizimiga  taalluqli  jihozlarning  texnik  holatini  aniqlash  va 
ularga  xizmat  ko’rsatish  bo’yicha  mo’ljallangan  ishlar  avtomobilga  ikkinchi 
texnik  xizmat ko’rsatish  (TXK-2)  vaqtida  yoki  unga  karrali  muddatlarda  amalga 
oshiriladi.  Bunda  generator,  to’g‘rilagich  bloki  va  kuchlanish  rostlagichlarining 
asosiy ko’rsatkichlari chuqur va har tomonlama diagnostika qilinadi. 

---

 
94 
TXK-1  da  elektr  ta’minot  tizimiga  taalluqli  barcha  asboblar  chang,  moy  va 
kirdan  tozalanadi.  Ularni  yaxshi  mahkamlanganligi  va  generator  yuritma 
tasmasining tortilish tarangligi tekshiriladi va me’yoriga keltiriladi. 
Har  to’rtinchi  TXK-2  da  generator  dvigateldan    yechib  olinadi  va  uning 
cho’tka,  kontakt  halqalarining  holati  tekshiriladi.  Buning  uchun  avval  generator 
usti  chang,  moy  va  kirdan  tozalanadi.  Generatorning  ichki  bo’shlig‘i  bosim 
ostidagi  havo  oqimi  bilan  tozalanadi.  Shundan  keyin  plastmassa  cho’tkatutqich  
yechib olinadi. Cho’tkatutqichda chutkalarni bemalol yurishi tekshiriladi, ularning 
balandligi  o’lchanadi,  bosib  turuvchi  prujinaning  qayishqoqligi  nazorat  qilinadi. 
Agar  cho’tka  yaxshi  yurmasa  cho’tkatutqich  devorchalarining  ichki  yuzi  va 
cho’tka  benzin  bilan  namlangan  yumshoq  latta  yordamida  artiladi.  Me’yoridan 
ortiq    yeyilgan  cho’tkalar  yangisiga  almashtiriladi.  Ifloslangan  kontakt  halqalar 
benzin  bilan  tozalanadi.  Diametr  bo’yicha  0,5  mm  dan  ortiq    yeyilgan  (  ya’ni 
ariqcha hosil bo’lgan) halqalar yo’niladi va silliqlanadi. 
Generatorlarga  texnik  xizmat  ko’rsatishda  podshipniklarni  holatiga  alohida 
e’tibor  berish  zarur.  Generatorning  rotori  qo’lda  aylantirilganda  yoki  sinov 
qurilmasida  tekshirilganda  begona  shovqin  paydo  bo’lsa  generatorni  alohida 
qismlarga ajratish, no’qsonli podshipnikni aniqlash va uni almashtirish kerak. 
Elektromagnit  va  kontakt-tranzistorli  kuchlanish  rostlagichlariga  generator 
bilan  birga  xizmat    ko’rsatiladi.  Elektromagnit  kuchlanish  rostlagichlarida 
rostlanayotgan  kuchlanish  qiymati  o’lchanadi,  kontaktlarning    yemirilish  darajasi 
aniqlanadi.  Me’yoridan  ortiq      yeyilgan  kontaktlar  kichkina  egovcha  yordamida 
tozalanadi, siqilgan havo bilan puflanadi va benzin bilan artiladi.  
Elektromagnit kuchlanish rostlagichlari  ushlab turadigan kuchlanish qiymati 
prujinani tortish kuchini o’zgartirish yo’li bilan rostlanadi. Buning uchun maxsus 
asbob  yordamida  prujina  mahkamlangan  ilgak  tepaga  (rostlanayotgan  kuchlanish 
qiymatini  kamaytirish  uchun)  yoki  pastga  (rostlanayotgan  kuchlanish  qiymatini 
oshirish uchun) bukiladi. 
Kontaktsiz-tranzistorli  va  integral  kuchlanish  rostlagichlariga  texnik  xizmat 
ko’rsatish  ko’zda  tutilmagan.  Faqat vaqti-vaqti  bilan  ularning  yuzidagi  chang  va 
kirni tozalab turish kifoya. 
Akkumulatorlar  batareyasiga  texnik  xizmat  ko’rsatish  ularni  ishchi  holatga 
keltirish,  ishlatish  jaryonida  belgilangan  tadbirlarni  o’z  vaqtida  o’tkazish  va 
to’g‘ri saqlashni ta’minlashdan iborat. 
 
      O’z-o’zini tekshirish savollari 
 
1.
 
Avtomobillarning elektr ta’minot tizimi qanday tarkibiy qismlardan tashkil 
topgan? 
2.
 
Zamonaviy  avtomobillarida  qanday  konstruksiyaga  ega  bo’lgan 
o’zgaruvchan tok generatorlari ishlatiladi ? 
3.
 
Zamonaviy  kompakt  konstruksiyaga  ega  bo’lgan  generatorlarning 
tuzilishini o’ziga xos tomonlarini tushuntiring. 
4.
 
O’zgaruvchan  tok  generatorlari  o’zgarmas  tok  generatorlariga  nisbatan 
qanday afzalliklarga ega ? 

---

 
95 
5.
 
O’zgaruvchan tok generatorining tuzilishini bayon qiling. 
6.
 
O’zgaruvchan tok generatorining elktr tavsifnomalarini chizng va izohlang 
7.
 
O’zgaruvchan tok generatorlarida maksimal tokni cheklash qanday amalga 
oshiriladi ? 
8.
 
Kontaktsiz  o’zgaruvchan  tok  generatorlarining  tuzillishining  o’ziga  xos 
tomonlarini izohlahg. 
9.
 
Kuchlanish  rostlagichlarining  qanday  turlari  mavjud,  ularning  afzallik  va 
kamchiliklari ? 
10.
 
Elektromagnit kuchlanish rostlagichining ishlash prinsipini tushuntiring. 
11.
 
Elektromagnit  kuchlanish  rostlagichining  tavsifnomasini  yaxshilash 
usullarini tushuntiring. 
12.
 
Kontakt-tranzistorli 
kuchlanish 
rostlagichining 
ishlash 
prinsipini 
tushuntiring. 
13.
 
Kontaktsiz-tranzistorli 
kuchlanish 
rostlagichining 
ishlash 
prinsipini 
tushuntiring. 
14.
 
Integral  kuchlanish  rostlagichining  tuzilishi  va  ishlash  prinsipini 
tushuntiring. 
15.
 
Akkumulatorlar batareyasining tuzilishini qisqacha tushuntiring. 
16.
 

Xizmat 
ko’rsatilmaydigan

 
va 

kam 
xizmat 
ko’rsatiladigan

 
akkumulyatorlar tuzilishini o’ziga xos tomonlari nimadan iborat ? 
17.
 
Qo’rg‘oshin-kislotali  akkumulatorlarda      razryadlash  va  zaryadlash 
jarayonlarida qanday fizikaviy-kimyoviy jarayonlar sodir bo’ladi ? 
18.
 
Akkumulatorlar   batareyasining    sig‘imi   nima   va   u   qanday  omillarga 
bog‘liq ? 
19.
 
Akkumulatorlarning    asosiy    nosozliklar     va    ularning    kelib   chiqish 
sabablari ?   
20.
 
Akkumulatorlar  batareyasini  zaryadlashning  qanday  usullari  mavjud, 
ularning afzallik va kamchiliklari nimalardan iborat? 
21.
 
Elektr ta’minot tizimining texnik qarovida qanday ishlar amalgam oshirish 
zarurligini  tushuntiring.  
 
 
 
 
 
 
 
 
 
 
 
 
 
 
 

---

 
96