G L o s s a r I y Jer du`ziw

Miynet haqı mug`darı – bul jumıs beriwshi menen xızmetker ortasındag`ı kelisiwge tiykarlang`an belgileniwi.

Miynet haqı - bul nızam hu`jjetleri menen belgilengen en` kem mug`dar, az bolıwı mu`mkin emes ha`m onın` en` ko`p mug`darı menen bir ta`rizde sheklenbeydi.

Ma`mleketlik jer kadastrı – bul jerlerdin` ta`biyiy xojalıq ha`m xuqıqıy rejimi, tipleri, sıpat qa`siyetleri ha`m mug’darı jer uchastkalarının` ornı ha`m o`lshemleri olardın` jer iyeleri, jerden paydalanıwshılar, ijarashılar ha`m mu`lkdarlar ortasındag`ı bo’listiriliwi haqqındag`ı mag`lıwmatlar, hu`jjetler sistemasınan ibarat.

Is haqının` formaları – bul isbay ha`m waqıtbay tiykarında is haqın to`lew.

Miynetke haqbay, isbay to`lew – bul miynet na`tiyjelerin o`lshew birligi bolmag`an, xızmetker yaki qa`niygenin` haqıyqıy islegen ha`m waqtıqa onın` ta’jiriybesine qarap belgilengen haq.

Miynetke isbay formasında is haqı to`lew – bul orınlang`an jumıstın` ko`lemi ha`m sıpatına qarap to`lenetug`ın is haqı.

Miynetti normallastırıw - bul jumıstı texnologiya tiykarında sıpatlı ha`m ekanomikalıq na`tiyjelilikke juwap beretug`ın birden-bir o`nim islep shıg`arıw ushın sarıplanatug`ın miynet waqtı yaki ilimiy tiykarlang`an islep shıg`arıw norması.

Jumıs normaları tu`rleri – bul waqıt norması, islep shıg`arıw norması, xızmet ko`rsetiw norması ha`m sandı saqlaw norması.

Waqıt norması – bul belgili ko`lemdegi jumıstı orınlawg`a sarıplanatug`ın waqıt.

Islep shıg`arıw norması - bul belgili waqıt birliginde orınlang`an jumıs ko`lemi.

Xızmet ko`rsetiw norması – bul bir baslıqtın` qol astında isleytug`ın qa`niygeler sanı.

Sandı anıqlaw norması – bul belgili ko`lemdegi jumıstı orınlaw ushın kerek bolatug`ın xızmetler sanı.