Furqat indd

3. Yoxann Kroyff “Ayaks” - “Dambarton”
1982-yilda qadrdon “Ayaks” jamoasi bilan shartnoma borasi-
da bir to‘xtamga kela olmayotgan Yoxannga uzoq Shotlandiyadan 
“sovchilar” kelishadi. Amsterdamliklar ma’lum bir miqdordagi 
mablag‘ evaziga futbolchini qo‘yib yuborishga rozi edilar. Kroyff 
esa Shotlandiyada mavsumoldi yig‘inida qatnashib, hatto tibbiy 
ko‘rikdan ham o‘tib bo‘lgan edi, faqat shartnomaga imzo chekish 
qolgandi. Ammo so‘nggi pallada Shotland klubi “Ayaks” so‘ragan 
pulni topa olmaydi, aniqrog‘i, klub xo‘jayinlari bunaqa katta pulni 
bir futbolchiga sarflashni istamaydilar. Shunday qilib, o‘sha yili juda 
katta shov-shuvga aylangan transfer amalga oshmay qoladi!
2. Ronaldino “PSJ” - “Sent-Mirren”
Ko‘pchilik Ronnining 2001-yilda Shotlandiyaning o‘rtamiyona 
“Sent-Mirren” klubi bilan shartnoma imzolaganini eshitmagan, bil-
magan bo‘lsa kerak. Ammo qanchalik hayratlanarli bo‘lmasin, bu 
haqiqat. Ronaldino 2001-yilning iyul oyida ko‘pchilik uchun kutil-
maganda, shotlandlar bilan shartnoma imzolaydi, ammo oradan bir 
hafta o‘tgach, qalbaki pasport bilan yuzaga kelgan mojaro tufayli 
shartnoma bekor qilinadi, futbolchi katta miqdorda jarimaga torti
-
ladi va 2 yilga transfer bozoridan chetlatiladi. 2003-yilda jahonning 

---

308
Yusupov FURQAT
eng iqtidorli futbolchisini qo‘lga kiritish uchun Yevropada haqiqiy 
ov boshlanadi. “Real” bilan og‘zaki kelishuvga ega bo‘lgan futbolchi 
so‘nggi pallada qirolliklar bilan shartnoma tuza olmaydi, Madrid-
liklar Ronnining o‘rniga Devid Bekxemni harid qilishadi. Ser Aleks 
Fergyusson Ronaldinoning transferi uchun parijliklar so‘ragan mab-
lag‘ni qidirib turgan bir paytda yarim himoyachi Kataloniyaga yo‘l 
oladi.
1. Krishtianu Ronaldu “Sporting” - “Yuventus”
2003-yili portugaliyalik o‘smir o‘z o‘yinlari bilan ko‘pchilikning 
diqqatini o‘ziga tortishga ulgurgandi. Yozgi transfer oynasi ochili-
shi bilan unga Yevropaning grand jamoalaridan takliflar yog‘ilishi 
deyarli aniq edi. Birinchilardan bo‘lib bu haqda Turin superklubi, 
shaxsan Luchano Modji jar soladi, haqiqatdan ham Modji portu-
galiyalik yulduzning Turinga ko‘chib o‘tishi borasida lissabonliklar 
bilan kelishib qo‘ygandi. Ronaldu tibbiy ko‘rikdan o‘tib, shartno-
ma imzolash payti yaqinlashgan bir paytda kelishmovchiliklar 
yuzaga keladi. “Byankonerlar” tiffozilarining quvonchlari uzoq-
qa cho‘zilmaydi, Ronaldu Turinga emas Manchesterga yo‘l oladi. 

---

309
FUTBOL FALSAFASI
FANTASTIK DEBYUTLAR 
TOP-5
Futbol tarixida shunday futbolchilar borki, ular debyut o‘yinlar-
ini ajoyib tarzda o‘tkazib, muxlislar yodida bir umr saqlanib qolish-
gan..