Fuqarolik xuquqi bilan tartibga solinadigan munosabatlar O‘zbekiston Respublikasi fuqarolik kodeksining 2-moddasida belgilab qo‘yilgan

.YUridik shaxslar to‘g‘risidagi nazariyalar
YUridik shaxs institutini takomillashtirish juda qiyin va o‘ta muhim masalalardan biri bo‘lib uni chuqur ilmiy tadqiqotlarsiz tasavvur etib bo‘lmaydi. YUridik shaxslarni takomillashtirish masalasi tarixdan ma’lumki yuridik shaxs tushunchasi vujudga kelgan kundan boshlab olib borilgan bo‘lib XIX asrda bir qator fundamental nazariyalarni yaratishga olib keldi va bu nazariyalar hozirgi kunda ham sivilistika fanida rivojlanib bormoqda.

YUridik shaxslarni zamirida qanday ma’no yotganligini aniqlash uchun yuridik shaxslar to‘g‘risidagi turli nazariyalarni ikki guruhga ajratish mumkin.

Ushbu nazariyalarning birinchi guruhiga mashhur tarihiy maktabning asoschisi Fridrix Karl fon Savinyaning ishini keltirish mumkin. Uning konsepsiyasi yuridik shaxs nazariyalarining birinchi fundamental nazariyalaridan biri bo‘lib u «Uydirma nazariyasi» nomini oldi. Savinyaning qarashlaricha huquq sub’ekti xususiyatlariga xaqiqatan ham faqatgina inson egalik qiladi. Ammo qonun chiqaruvchi amaliy maqsadda tan oladiki yuridik shaxslarni asosida inson shaxsiyati yotadi, deya insonni yuridik shaxsning timsoliga aylantiradi. SHunday yo‘l bilan qonun chiqaruvchi yuridik uydirmani ishga soladi yani, o‘ylab chiqarilgan huquq subektini yaratadi.