Функциялар

Statik o’zgaruvchilar

Statik o’zgaruvchilar static modifikatari bilan e’lon qilinadi va o’z xususiyatiga ko’ra global o’zgaruvchilarga o’xshaydi. Agar bu turdagi o’zgaruvchi global bo’lsa, uning amal qilish sohasi – e’lon qilingan joydan to fayl oxirigacha bo’ladi. Agar statik o’zgaruvchi funktsiya yoki blok ichida e’lon qilinadigan bo’lsa, u funktsiya yoki blokka birinchi kirishda initsializatsiya qilinadi. O’zgaruvchining bu qiymati funktsiyaning keyingi chaqiruvlarida yoki blokka kirishda saqlanib qoladi va bu qiymatni o’zgartirish mumkin bo’ladi. Statik o’zgaruvchilarni tashqi deb e’lon qilib bo’lib bo’lmaydi.

Agar statik o’zgaruvchi initsalizatsiya qilinmagan bo’lsa, uning birinchi murojatdagi qiymati 0 hisoblanadi.

Misol tariqasida birorta funktsiyani necha marotaba chaqirganligini aniqlash masalasini ko’raylik:

#include

int Count(void);

int main( )

{

int result;

for (int i=0; i<30; i++ )

result=Count( );

cout << result;

return 0;

}

int Count (void)

{

static short counter=0;

…

counter++;

return counter;

}

Bu yerda asosiy funktsiyadan counter statik o’zgaruvchiga ega Count( ) funktsiyasi 30 marta chaqiriladi. Funktsiya birinchi marta chaqirilganda counter statik o’zgaruvchiga 0 qiymatini qabul qiladi va qiymati 1 ortgan holda funktsiya qiymati sifatida qaytariladi. Statik o’zgaruvchilar qiymatini funktsiyani bir chaqirilishidan ikkinchisiga saqlanib qolinishi sababli, keyingi murojaatlarda couter qiymati bittaga ortib boradi.