Фуқаролик суди судьяси хотин-қизларнинг мурожаатларини тинглади

Фуқаролик суди судьяси хотин-қизларнинг мурожаатларини тинглади
Тошкент вилояти Паркент туманидаги “Қизилтоғ” шаҳарчасида жойлашган мусиқа ва санъат мактабида фуқаролик ишлари бўйича Юқоричирчиқ туманлараро суди судьяси Дилдора Бабаева, “Ойдин” МФЙ рансн Шерзод Боботоевлар иштирокида фуқаролик судларида кўриладиган ишлар ва коррупция тўғрисидаги қонун ҳужжатларини мазмун-моҳияти, унга карши курашиш чоралари мавзусида давра сухбати ташкил этилди. Давр суҳбатида коррупциянинг давлат ва жамияти ривожига тўсиқ бўлувчи омил эканлиги ҳаётий мисоллар ёрдамида тушунтирилди.
Бундан ташқари давра суҳбатида оилада юзага келаётган муаммонинг даражаси ва аҳамиятини аниқлаш, бу борадаги статистик маълумотлар, оилавий келишмовчилик сабаблари, унинг келгуси авлодга таъсири, ҳамда судда ота-оналик ҳуқуқи чекланган ёки ундан маҳрум этилганда болаларга таъминот бериш масалалари ҳусусида ҳам фикр мулоҳазалар билдирилди. Давлатимиз томонидан ”Хотин-қизларни тазйиқ ва зўравонликдан ҳимоя қилиш тўғрисида”ги Қонуннинг қабул қилиниши хотин-қизлар муаммоларини ҳал этиш, уларнинг жамиятдаги ролини оширишда ижобий ўзгаришларга мисол бўла олади. Тадбирда оиладаги зўравонлик оилавий ажралишларнинг асосий сабаби эканлиги ҳаётий мисоллар ёрдамида тушунтирилди.
Шу куни иштирокчилар суд-ҳуқуқ масаласида ўзларини қизиқтирган кўплаб саволлар билан судьяга мурожаат қилишди ва ўзларини қизиқтирган саволларга атрофлича жавоблар олишди.