Фуқаролар соғлиғини сақлаш тўғрисида

Бўлимнинг асосий вазифаси ва фаолият йўналишлари:
Бўлим прокуратура органларида фуқароларнинг ариза ва шикоятларини ҳамда юридик шахсларнинг мурожаатларини қо­нунда белгиланган тартибда қабул қилинишини ва кўриб чиқи­лишини таъминлаш чораларини кўради.
Бош прокуратурада бошқарма ва бўлимлар ходимлари томонидан фуқароларнинг кундалик қабулларини ташкиллашти­ради ва бевосита бўлимда фуқаролар қабул қилинади.
Бош прокуратурага фуқаролар, давлат идоралари, муас­сасалар, жамоат бирлашмалари, фуқароларнинг ўзини-ўзи бошқа­риш органлари, нодавлат ташкилотлари ҳамда мансабдор шахс­лардан келган хат, ариза ва шикоятлар, мурожаатлар, шошилинч­нома, махсус хабарлар, шунингдек жиноят, фуқаролик, маъмурий ва хўжалик ишлари ва бошқа ҳужжатларни белгиланган тартибда қабул қилиб, рўйхатдан ўтказади, ҳал қилиш учун тегишлилиги бўйича таркибий тармоқларга тарқатилишини ва ҳисоби юрити­лишини ташкиллаштиради.
Бўлим прокуратура органларида иш юритиш, аризалар­ни қабул қилиш, махсус ва алоҳида назоратда бўлган аризаларни кўриб чиқилишини ташкиллаштиради.
Прокуратура органларида иш юритишни ташкил қилиш, ҳужжатлар билан ишлашнинг ташкилий-услубий жиҳатларини такомиллаштиришга қаратилган чораларни кўради.
Бош прокуратура архивига топширилган прокуратура органлари фаолияти билан боғлиқ ҳужжатларнинг сақланиши, муҳимлик даражасининг экспертиза қилиниши, муҳр ва штамп­лардан фойдаланилиши, уларнинг сақланиши ва ҳисоби юрити­лишини таъминлайди.
Қонунийлик аҳволи тўғрисидаги маълумотларни, ҳисо­бот кўрсаткичларини таҳлил қилади, соҳадаги фаолият самара­дорлигини оширишга қаратилган ташкилий чора-тадбирларни амалга оширади.
Фуқароларнинг ариза ва шикоятларини ҳамда юридик шахсларнинг мурожаатларини кўриб чиқиш борасида амалга оширилган ишлар ва бу борадаги прокурорлик фаолиятини мун­тазам равишда умумлаштириб, йўл қўйилаётган хато ва камчи­ликларни бартараф этиш ҳамда мавжуд муаммоларни ҳал қилиш ҳақида Бош прокуратуранинг ҳайъат ва тезкор мажлисларига таклифлар тайёрлайди.
Мазмун ва моҳиятига кўра алоҳида аҳамиятга эга хат, таклиф, ариза, бошқа ёзма ёки оғзаки хабарлар ҳақида Бош про­куратура раҳбариятини хабардор қилади, назоратга олиб юборил­ган бу тоифадаги хат, ариза ва шикоятларни раҳбариятга кўриб чиқиш учун белгиланган муддатда тақдим этилишини таъмин­лайди.
Бош прокуратурага биринчи марта келиб тушган ариза ва шикоятларни қуйи прокуратура органларида кўриб чиқилган­лиги тўғрисида маълумотлар бўлмаган тақдирда уларни қуйи прокуратураларга ёки тааллуқлиги бўйича тегишли идораларга юборади.
Ноқонуний ҳатти-ҳаракатлари ва қарорлари устидан шикояг қилинаётган мансабдор шахслар ёки идораларга нисбатан ёзилган ариза ва шикоятларни мазкур идоралар ёки мансабдор шахслар­нинг ўзларига юборилишига йўл қўймаслик чораларини кўради.
Бош прокуратуранинг бошқарма ва бўлимларида, қуйи прокуратураларда қайд этилган Йўриқнома талабларини бажари­лишини, шунингдек хатлар, аризалар ва шикоятларнинг белги­ланган муддатда кўриб чиқилишининг ҳисобини юритади ва уларнинг бу борадаги фаолиятини мунтазам ўрганиб боради.
Қуйи прокуратураларда соҳа бўйича ишларни тегишли вилоятлар прокурорлари ва уларга тенглаштирилган прокурорлар билан биргалиқда ташкил этади, Бош прокурорнинг соҳага оид буйруқ ва кўрсатмалари, ҳайъат қарорлари ижросини текширади, аниқланган камчиликларни бартараф қилиш борасида қўйилган талабларининг бажарилишни назорат қилади.
Бош прокурорнинг соҳага оид буйруқ ва кўрсатмалари ҳамда ҳайъат қарорларининг бажарилишини ташкил қилади, бўлим фаолиятига тааллуқли бўлган буйруқ, кўрсатмалар ва бошқа ҳужжатлар лойиҳаларини тайёрлайди.
Кадрлар бошқармаси билан биргаликда ваколатлари доирасида кадрларнинг касб-маҳоратини оширишга қаратилган тадбирларни ўтказади, ижобий иш тажрибаларини ўрганиб, ом­малаштиради.
Раҳбарият топшириғига кўра айрим ариза ва шикоятлар бўйича жойларда текширишлар ўтказади, қуйи прокуратураларга текшириш ўтказиш ҳақида топшириқ беради ва хулосалар талаб қилиб олади.
Қонунларни тарғиб қилиш ва жамиятда ҳуқуқий мада­ниятни ошириш ишларида иштарок этади.