Фуқаро бинолари архитектураси фанидан маърузалар матни

4) Алоҳида таянчлар 
Ғиштдан, керамик тошлардан ва майда енгил бетон блоклардан барпо 
этиладиган биноларда ички юк кўтарувчи деворлар ўрнига алоҳида таянчлар – 
девор матекриалидан бажарилган устунлар ва улар устига ўрнатиладиган 
прогон (тўсин)лардан фойдаланиш мумкин. 

---

94 
Ғиштдан ва керамик тошлардан бажариладиган устунлар уларга 
тушадиган юк унча катта бўлмаган ҳолларда кесимининг энг кичик ўлчами 
380х380 мм, 510х510 мм (квадрат бўлганда), тўртбурчак бўлганда 510х380 мм 
қабул қилинади (11.11-расм).
Майда бетон блоклардан бажарилганда устунлар кесимининг ўлчамлари 
390х390 мм, 490х390 ва 590х390 мм бўлиши мумкин. 
Бундай устунларнинг баландлиги 5 м ва ундан катта бўлган ҳолларда, 
устунлар номарказий сиқилишга ишлайдиган ҳолларда материалларнинг 
маркасини оширишдан ташқари қоришмага бўйлама ва кўндаланг арматуралар 
қўйилгани маъқул (11.12-расм). 
11.12-расм. Ғиштдан бажарилган устунлар: а – кўндаланг арматура қўйиган 
устун; б – бўйлама арматура қўйиш; 1 – арматура тўри; 2 – бўйлама арматура; 
3 – хомутлар. 
Кўндаланг арматура ячейкалари 30-120 мм, диаметри 3-5 мм пўлат 
симлардан тайёрланган тўр (сетка)дан бажарилади. Сим тўрларни ғишт 
11.11-расм. Профессор Л.И. Онишчик 
системасида терилган ғишт устун. 

---

95 
термада ҳар 3-5 қатордан кейин қоришма орасига қўйилади. Бўйлама 
арматурани ўзаро хомутлар билан бириктирилган вертикал стерженлардан 
бажарилади. 
Майда элементлардан бажарилган устунларга горизонтал йўналишда 
кўпинча темирбетон, металл ёки ёғочдан тайёрланган тўсинлар (прогонлар) 
ўрнатилади. Улардан термага тушадиган юкни тақсимлаш учун прогонлар 
остидан темирбетон плита қилинади (11.13-расм). 
11.13-расм. Ғишт устунларга темирбетон прогонларнинг таяниши (
а, б
) ва ёғоч 
тўсинннинг таяниши (
в
): 1 – темирбетон прогонлар; 2 – темирбетон таянч 
плита; 3 – ёғоч прогон; 4 – пўлат накладка; 5 –консоль плита; 6 – пона. 
Зарур ҳолларда алоҳида таянч сифатида темирбетондан, пўлат ва 
асбестоцемент қувурлардан ҳам фойдаланиш мумкин.
Хулоса 
● Балконлар турар-жой биноларида ёзги хона вазифасини 
бажарадилар, яшовчиларга анчагина қулайликлар туғдириш билан бирга бино 
фасадининг архитектуравий композициясини яратишда муҳим элемент 
ҳисобланадилар, бинонинг бадиий қиёфасига турли-туман кўринишлар бериш 
имкониятини яратадилар. 
● Балкон плиталарини ёмғир сувлари таъсиридан ҳимоя қилиш учун 
устидан гидроизоляция қатлами ёпиштириш керак. Унинг устидан цемент-қум 
қоришмасидан текисловчи қатлам қилинади, у гидроизоляция қатламини 
бузилишдан ҳимоя қилиш билан бирга балкон учун пол вазифасини ҳам ўтайди. 
● Балкон плиталари бир томонлама, икки томонлама, ташқи деворга ва 
ташқи устунларга, фасад текислигига перпендикуляр консол балка ёки 
деворларга таянишлари мумкин. 
● Лоджияларнинг бинода жойлашиш схемаси ҳар хил бўлиши мумкин. 
Бунда лоджия бино габаритига тўлиқ кириб тур иши, бино габаритига 
қисман кириб туриши ва бино габаритидан ташқарида жойлашган бўлиши 
мумкин. 

---

96 
● Эркерда бир нечта дераза ўрнатилиши мумкин. Эркерларни одатда 
иккинчи қаватдан бошлаб қилинади, лекин биринчи қаватдан бошланиши ҳам 
мумкин. Қаватлар сони чекланмайди.
● Майда элементлардан барпо этиладиган бир қаватли биноларда ва кўп 
қаватли биноларнинг охирги қаватларида ички юк кўтарувчи деворларни алоҳида 
устулар ва уларга таянадиган прогонлар билан алмаштириш мумкин.