Fqklarini xujjatlashtirish turli texnik vositalardan foydalaniladi

Burg’ilash quduqlarini namunalash
Burg’ilash quduqlarini namunalashda namuna sifatida kern , kern bilan shlam, yoki faqat shlam olinadi. Namuna uzunligi 1m dan 2-3- m gacha, ba’zi xollarda 5 m gacha olinadi. Ma’dan tanasining ustidan va ostidan 0,25-0,50 m gacha namunalar olinadi. Ma’dan tanasining chegaralari aniq ko’rinmaydigan xollarda butun Burg’ilash qudug’ining uzunligi bo’yicha namunalar olinishi mumkin.
Namunaga kerning yarmi olinadi. Buning uchun kern uzun o’q bo’yicha ikkiga bo’linadi va yarimi namunaga olinadi. Yarmi esa mineralogik tekshirishlar uchun va saqlash uchun olib qo’yiladi.
Namuna olish usulini tanlashga ta’sir ko’rsatuvchi omillar
Bironta konda namuna olish usulini tanlashga ta’sir ko’rsatuvchi omillar shartli ravishda ikki guruhga:
1.geologik; 2) umumiy omillarga; bo’linadi.
Geologik omillarga quyidagilar kiradi:

1. 
   konning sanoat turi;
   
2. 
   ma’danlarning elementar va mineralogik tarkibi;
   
3. 
   ma’dan tanalarining qalinligi va uning o’zgarishi;
   
4. 
   ma’dan tanalarining shakli va o’lchamlari;
   
5. 
   madan tanalarining ichki tuzilishi;
   
6. 
   foydali qazilma minerallari zarrachalarining kattaligi;
   
7. 
   foydali minerallarning fazoviy taqsimlanishdagi notekislik darajasi;
   
8. 
   ma’danlarning mustahkamligi;
   

Umumiy omillarga quyidagilar kiradi:

1. 
   namunaning ishonchliligi;
   
2. 
   namunalashning vazifasi;
   
3. 
   ishlarning ko’lami (miqdori);
   
4. 
   namunalash ishlarini olib borish sharoitlari;
   
5. 
   namunalash ishlarini dolbzarbligi va bu ishlarning lahimlarni qazish davridagi ishtiroki. .
   

Namunalarni xujjatlashtirish
Olingan namunalar mustahkam xaltaga solinadi va og’zi bog’lanadi. Har bir namuna yorliq va ko’rsatkich bilan ta’minlanadi. Yorliqda namunaning tartib raqami, olingan joyi olingan kuni va namuna olish uchun ma’sul xodimning familyasi ko’rsatiladi. Yorliq o’rov qog’oziga o’raladi va namuna solinadigan xaltaga solinadi. Ko’rsatkichga namunaning tartib raqami kata qilib yozib qo’yiladi va xaltaning ustki qismiga bog’lanadi. Ko’rsatkich sifatida bir bo’lak taxta yoki kartondan foydalanish mumkin. Ba’zi xollarda namunaning tartib raqami xaltaning ustiga ham yozib qo’yilishi mumkin.
Kondan olingan hamma namunalar umumiy bir tartibda raqamlanishi kerak. Majburiy ravshda namunalash daftari to’ldiriladi. Bu daftarda konning nomi, kon bo’lagining nomi, tog’ lahimlarining nomi va raqami, namunalar tartib raqami, namunaning xossalari (qisqacha mineralogik ta’rifi) yoziladi