Fqklarini xujjatlashtirish turli texnik vositalardan foydalaniladi

Blok-diagrammalar
Blok-diagrammalar asosan konlarda uchray-digan murakkab ma’dan uyumlarining joylashish sharoitlarini va shakllarini tasvirlash maqsadida tuziladi.
Blok-diagrammalar tog’ lahimlari, burg’i-lash quduqlari etarli miqdorda bo’lgan va geologik kesim, gorizont bo’yicha planlar bilan mukammal o’rganilgan konlarda tuziladi.


Fotohujjatlashtirish
Geologik fotohujjatlashtirishdan maqsad – ob’ektning geologik tuzilishini o’rganishning ishonchliligini ta’minlaydigan dastlabki geologik ma’lumotlarning sifati va aniqliligini oshirish hisoblanadi.
Geologik fotohujjatlashtirish vazifalari – o’rganilayotgan geologik kesma va tog’ jinslari ochilmalarini geologik-strukturaviy holatini, tog’ jinslari va ma’danlarning litologik turlari tabiatini kontaktlar tabiatini, strukturaga oid va boshqa elementlarning o’zaro munosabatlarini aniqlashtirish uchun aniq tasvirlarni olishdan iborat.
Mazkur usul quyidagi sxemaga asoslanadi: fotohujjatlashtirishni olish ya’ni suratga olish, geologik deshifrirovkalash, shaxsiy elektron hisoblash mashinasida (ShEHM) foydalangan holda tasvirlarni elektron usulda tahlil qilish, olingan ma’lumotlarni tartibga solish.
Namunalashning maqsadi, vazifalari va turlari Namunalashning maqsadi – sanoat tarmoqlarining turli mineral xom-ashyoga bo’lgan talablaridan kelib chiqqan holda, foydali qazilma turlari, sifati va xususiyatlarini aniqlashdir. Shuning uchun namunalash – qidirish, baholash, razvedka va ekspluatastiya qilishning asosiy qismi va usullaridan biridir. Uning natijasi esa konni baholash bo’yicha olinadigan ma’lumotning asosiy qismini tashkil etadi. Razvedka jarayonida namunalash jarayonlari eng avvalo foydali qazilma zaxirasini xisoblash uchun ishlatiladi. Bundan tashqari namunalash natijalari foydali qazilmani qayta ishlash texnologiyasini tanlashda, qazib olish texnikasini tanlashda va qazib olish jarayonini rejalashtirishda, asosiy me’zonlardan biri bo’lib xizmat qiladi.