Foydali qazilmalarning genetik va sanoat turlari

17 - rasm. Kuchbulok konining kundalang kesimi
(V.SHabalin va boshqalar bo‘yicha).
SHartli belgilar: 1-sienit-diorit-porfirit; 2-kvarsli sienit-diorit-porfirit; 3-diabaz-porfirit; 4-andizit-porfirit (o‘ta, yirik,bo‘lakli);5-jigar rang andizit porfirit; 6-andezit tarkibli tuf; 7-tektonik buzilishlar; 8-kvrs-kalsit-baritli tomirlar; 9-oltinli kvars tomirlar.

Ruda gavdalari kvars tomirchalaridan va sulfidlardan tuzilgan. Oltin sof holda uchraydi. Undan tashqari telluridlar – persit, kalaverit, silvanit va tetradimit, joezit keng tarqalgan. Rudalarda galenit, sfalerit, pirit, xalkopirit, aralash o‘zgargan ruda minerallari uchraydi. Noma’dan minerallar kvars (xalsedon), kalsit, ankerit, barit, seritsitlardan iborat. Ruda atrofida propilitizatsiya, xloritizatsiya va epidotizatsiya kabi o‘zgarishlar mavjud. Rudalarning mineralogik tarkibi, oltin probasining 850 – 900 bo‘lishi tellur minerallarning ko‘p uchrashi kabi qator dalillar bu konni er yuziga yaqin masofalarda hosil bo‘lganligini ko‘rsatadi.

Xulosa
Gidrotermal konlari hosil bo‘lish jarayonlariga qarab yuqori, o‘rta va past haroratli kon turlariga bo‘linishi, ularning vujudga kelishida qanday omillar muhim rol o‘ynashi haqidagi ma’lumotlar to‘liq jamlangan. Bunday konlar turli ma’danli formatsiyalarga, jumladan – Oltin sulfidli, Mis-molibden, Sof molibdenli, Polimetalli, Xrizotil-asbestli, Tog‘ xrustalli formatsiyasilarga bo‘linishi va ularga misol tariqasida dunyodagi mavjud konlarga misollar keltirilgan. Mavzudagi rasmlarda O‘zbekistondagi Qalmoqqir mis-molibden konidagi xollanma rudaning ko‘rinishi, Muruntov ma’danli maydonining soddalashtirilgan sxemasi va Kuchbulok konining kundalang kesimi ko‘rsatilgan bo‘lib, talabalarda konlarning tuzilishi haqidagi tushunchalarini yanada mustahkamlaydi.


Nazorat savollari

• 
  Gidrotermal koni deb nimaga aytiladi?
  
• 
  Gidrotermal konida qanday tog‘ jinslari uchraydi?
  
• 
  Gidrotermal konlaridagi asosiy minerallarni sanab bering?
  
• 
  YUqori temperaturali gidrotermal koniga izoh bering?
  
• 
  O‘rta temperaturali gidrotermal koniga izoh bering?
  
• 
  Past temperaturali gidrotermal koniga izoh bering?
  
• 
  Gidrotermal konlari formatsiyalarini aytib bering?
  
• 
  O‘zbeistondagi gidrotermal konlariga misol keltiring?
  
•