Foydali o’simliklar va hayvonlarning tabiiy zahiralarini o’rganish, muhofaza qilish, yetishtirish va qayta ishlashning intensive texnologiyalarini ishlab chiqish hamda zararkunandalardan himoya qilishning dolzarb masalalari

O’simliklarni muhofaza qilish

O’zbekiston Respublikasining Konstitutsiyasi.55-modda.

Yer, yer osti boyliklari, o’simlik va hayvonot dunyosi hamda boshqa tabiiy zahiralar umummilliy boylikdir, ulardan oqilona foydalanish zarur va ular davlat muhofazasidadir.

Mustaqil Respublikamiz hukumati muntazam ravishda o’simliklar dunyosini muhofaza qilish masalasiga e’tibor berib kelmoqda .

Shu munosabat bilan tabiatni, shu jumladan, o’simliklar dunyosini muhofaza qilish borasida respublikamizda qator tadbirlar amalga oshirildi. Jumladan Respublikamizda Tabiatni muhofaza qilish qo’mitasi tashkil etildi. O’zbekiston Respublikasi Oliy Majlis 1997-yil 26-dekabrda o’simliklar dunyosini muhofaza qilish va undan foydalanish to’g’risidagi qarorni tasdiqladi. Kamyob o’simliklarni asrab-avaylash maqsadida hukumat qarori asosida O’zbekiston Respublikasining Qizil kitobini nashr etish yo’lga qo’yildi. Bularning hammasi ona tabiatni va uning o’simliklar dunyosini muhofaza qilishga qaratilgan.

O’simliklar dunyosini muhofaza qilish bilan bir qatorda ulardan oqilona foydalanish va mahsuldorligini oshirish, qayta tiklash ishlari olib borilmoqda. Shu jumladan, o’rmonlardan foydalanish va o’rmon xo’jaliklari ishi ilmiy asosda yo’lga qo’yildi.

Yaylovlar O’zbekiston hududida 22.8mln gektar maydonni tashkil etadi. Hozirgi davrda o’tloqlardagi 700 ga yaqin yovvayi o’simliklar o’rganilib, ulardan oqilona foydalanish usullari ishlab chiqilmoqda. Bunda tabiiy o’tloqlarning hosildorligini oshirish muhim vazifalardan biri hisoblanadi.

Noyob o’simliklarni turlarini asrash, ko’paytirish, tabiatni muhofazalash barchaning burchi. O’simliklar olamiga, jumladan, dorivor giyohlarga yetkaziladiga salbiy ta’sirni kamaytirish, tabiatning noyob boyliklarini asl holicha asrash maqsadida shifobahsh giyohlarni madaniy sharoitda yetishtirish yo’lga qo’yildi. Tadbirkorlikning ushbu yo’nalishini rivojlantirishga alohida e’tibor qaratilayotganligi atrof-muhit muhofazasida o’z natijalarini bermoqda. Noyob o’simlik turlarini asrash, ko’paytirish, tabiatni muhofazalash barchaning burchi. Zero, ekologik muvozanat xalqimiz farovonligini yanada oshirib, salomatligini mustahkamlashga xizmat qiladi.