Forish tumani xalq ta’limi bo‘limi mudirining buyrug‘I

FORISH TUMANI XALQ TA’LIMI BO‘LIMI MUDIRINING BUYRUG‘I

2022 yil___ _________ ___-sonli

Forish tumani umumiy o‘rta ta’lim maktablarining 10-11-sinflarida tahsil olayotgan o‘quvchi-yoshlar o‘rtasida Mudofaa vazirining Kubogi uchun “Vatanparvarlar ” harbiy-sport musobaqalarini birinchi (tuman) bosqichini o‘tkazish to‘g‘risida

Jizzax viloyat hokimining 2022 yil 10fevraldagi 01-237-sonli “Umumiy o‘rtata’lim maktablarining 10-11 sinflarida tahsil olayotgan o‘quvchi yoshlar o‘rtasida Mudofaa vazirining kubogi uchun “Vatanparvarlar ” harbiy-sport musobaqalarini birinchi (tuman va shahar) va ikkinchi (viloyat) bosqichlarini tashkil etish va o‘tkazish yuzasidan chora-tadbirlar rejasi” hamda viloyat xalq ta’limi boshqarmasining 2022 yil 11 fevraldagi 01-02/4-0342-sonli xati ijrosini ta’minlash maqsadida b u yu r a m a n :
1. Jizzax viloyat hokimining 2022 yil 10fevraldagi 01-237-sonli “Umumiy o‘rtata’lim maktablarining 10-11 sinflarida tahsil olayotgan o‘quvchi yoshlar o‘rtasida Mudofaa vazirining kubogi uchun “Vatanparvarlar ” harbiy-sport musobaqalarini birinchi (tuman va shahar) va ikkinchi (viloyat) bosqichlarini tashkil etish va o‘tkazish yuzasidan chora-tadbirlar rejasi” hamda viloyat xalq ta’limi boshqarmasining 2022 yil 11 fevraldagi 01-02/4-0342-sonli xati ma’lumot va ijro uchun qabul qilinsin.
2. “Vatanparvarlar” harbiy-sport musobaqalari tuman bosqichi Forish tog‘ dala poligonida joriy yilning 7 mart kuni o‘tkazilishi belgilanganligi ma’lumot uchun qabul qilinsin.
3. Umumiy o‘rta ta’lim maktab direktorlariga:
- “Vatanparvarlar” harbiy-sport musobaqalarida ishtirok etuvchi jamoani shakllantirish, tibbiy ko‘rikdan o‘tgan holda talabnomani tayyorlash;
-musobaqa o‘tadigan manzilga ishtirokchilarni xavfsiz etib olishlari va musobaqa yakunlangandan keyin qaytishlarini ta’minlash maqsadida chora-tadbir ishlab chiqish hamda ma’sul shaxs biriktirish;
-Musobaqa jarayonida ishtirok etuvchilar bilan jamoat joylarida harakatlanish qoidalari bilan tushuntirish ishlari olib borish vazifalari yuklatilsin.
4. Tuman xalq ta’limi bo‘limi metodisti (Sh.Sindarov)ga:
-tuman mudofaa ishlari bilan hamkorlikda musobaqaga tayyorgarlik ko‘rish va o‘tkazish uchun o‘quv moddiy bazasi, zarur jihozlar bilan belgilangan tartibda ta’minlash;
-ushbu musobaqani adolatlilik, shaffoflik, ochiqlik va ob’ektivlik prinsipi asosida o‘tkazilishini ta’minlash maqsadida hakamlar hay’ati tarkibiga o‘z ishini yaxshi biladigan, malakali mutaxassislar tayinlash chorasini ko‘rish;
-musobaqa jarayonini hududiy, viloyat, respublika OAVlarida hamda ijtimoiy tarmoqlarda keng yoritish vazifalari yuklatilsin.
4. Ushbu buyruqning ijrosini nazorat qilish bo‘lim mudiri o‘rinbosari N.Norbekov zimmasiga yuklatilsin.


Forish tuman xalq
ta’limi bo‘limi mudiri: S.Voqqosov
Asos: O‘zbekiston Respublikasi Mudofaa vazirining 2021 yil 6 fevraldagi 76-sonli buyrug‘i, Jizzax viloyat hokimining 2022 yil 10fevraldagi 01-237-sonli “Umumiy o‘rtata’lim maktablarining 10-11 sinflarida tahsil olayotgan o‘quvchi yoshlar o‘rtasida Mudofaa vazirining kubogi uchun “Vatanparvarlar ” harbiy-sport musobaqalarini birinchi (tuman va shahar) va ikkinchi (viloyat) bosqichlarini tashkil etish va o‘tkazish yuzasidan chora-tadbirlar rejasi” hamda viloyat xalq ta’limi boshqarmasining 2022 yil 11 fevraldagi 01-02/4-0342-sonli xati.