Fizikaviy va kolloid kimyo

Samarqand davlat universiteti “Fizikaviy va kolloid kimyo” kafedrasi
5A140501–Kimyo (turlari bo`yicha) magistratura mutaxassisligi 2-bosqich talabasi
Avazgeldiyev Bekzod Panjiyevichning
Ilmiy amaliyot (stajirovka) bo‘yicha
H I S O B O T I
Men ilmiy amaliyot (stajirovka)ni “Integra D D” O’zbekiston-Bolgariya qo’shma korxonasida oʻtadim. Korxonada 20 xil turdagi hayot uchun zarur bo’lgan eritma ko’rinishidagi dori-darmon vositalari ishlab chiqariladi va qadoqlanadi.
Ilmiy amaliyotning daslabki kunida boshqa laboratoriyalarda boʻlgani singari “Integra D D” O’zbekiston-Bolgariya qo’shma korxonasida ham texnika xavfsizligini oʻrganish va texnika xavfsizligi boʻyicha suhbatdan oʻtdim. Texnika xavfsizligi oʻrganilgandan keyin laboratoriya asbob-uskunalari bilan tanishdim va besh haftalik muddatdagi ilmiy amaliyot uchun boʻlim bilan hamkorlikda ish reja tuzildi.
Bu korxonada ilmiy amaliyot oʻtash bo`yicha bir qator substraktlar, laboratoriya jihozlari bilan tanishish, eritmalarni tayyorlash, ampulalarni stirillash, eritmalarning kimyoviy tarkibini laboratoriyada aniqlash, suyuqlik xromatografiyasi tahlillarini amalga oshirildi. Bunda suyuqliklarning ranglilik darajasini, Piridoksin gidroxlorid, Meldoniy inyeksiyasini, askarbin kislotasini miqdorini aniqlash, eritmalarni titrlash orqali tekshirish reja qilib olindi. Bu ishlarni bajarish jarayonida moddalarni tozalash va tozaligini tekshirish, titrlash, moddalarni quritish, suyuqlanish temperaturasini kapilyar usulda aniqlash kabi fundamental bilimlarni keng doirada oʻrganish mumkin. Korxona laboratoriyasi moddalarning fizik kimyoviy analitik qismini o’rganish uchun barcha asbob-uskunlar bilan jihozlangan. Men laboratoriyada mavjud asbob-uskunalar bilan ishlashni o’rganishdan boshladim. Ultrabinafsha va ko’rinuvchi soxada absorbsion spektrofotometriya usuli bilan tanishdim. Turli xil dori vositalarini sintez qilish jarayonida qatnashdim. Sintez qilingan moddalar tozaliligi va kutilgan modda ekanligini bilish uchun bir qator fizik-kimyoviy va analitik tekshirish ishlarini amalga oshirdim. Bularga yupqa qatlam xromatografiyasi (YuQX), moddaning suyuqlanish temperaturasini aniqlash (Boits va Meltepm) va spektroskopiya usullaridan foydalandim. Laboratoriyada Piridoksin gidroxlorid inyeksiyasi uchun 5%li eritma 1ml chinligini, Meldoniy inyeksiyasi uchun 10% li eritma chinligini aniqladim. Ilmiy amaliyot davomida 20 ga yaqin dori vositalari tayyorlash uchun ishlatiladigan eritmalarni fizik kimyoviy va analitik usulda tahlilini amalga oshirdim. Ilmiy amaliyot davomida nazariy olingan bilimlarni mustahkamlash bilan bir qatorda yangi bilimlarni egalladim.

Kafedra mudiri: prof. Muhammadiyev N.Q _______

Magistrant: Avazgeldiyev B.P _______