Физикавий кимё фанидан

Биринчи тиббий ёрдам кўрсатиш чоралари.

1. 
   Агар терига (қўл, бет, ва бошқа жойларга) концентрланган кислота (нитрат, сульфат, хлорид ва сирка кислота) сачрача, дарҳол ўша жароҳатланган тана қисми кучли сув оқими билан 3-4 минут давомида ювилади, сўнгра шикастланган жойга калий перманганатнинг 3% ли эритмаси шимдирилган пахта қўйилади. Агар кучли шикастланиш холатлари рўй берса, бемор тезда шифокорга мурожат қилиши лозим.
   
2. 
   Агар терига ишқор тўкилган бўлса, ўша жой авал сув билан (тери силлиқлигини йўқотгунча) ювилиши керак. Сўнгра зарарланган жойга калий перманганатнинг 3% ли эритмаси шимдирилган пахта қўйиб боғланиши лозим.
   
3. 
   Агар кўзга кислота ёки ишқор сачраса , кўзни яхшилаб сув билан ювиш, сўнгра тезда шифокорга мурожат қилиш керак.
   
4. 
   Агар терини иссиқ нарсалар (масалан иссиқ шиша ёки иссиқ металл) тегиб куйдирса, шу жой калий перманганатнинг 3% ли эритмаси билан ювилиб, унга махсус суртма мой суртиш керак.
   
5. 
   Фосфор таъсирида куйган жойга мис (II) сульфатнинг 2% ли эритмаси шимдирилган пахта қўйиб боғланиши керак.
   
6. 
   Хлор, бром, водород сульфид, углерод (II)оксиди ва бошқа кимёвий бирикмалар билан заҳарланганда тезда очиқ ҳавога чиқиш, шифокорга мурожаат қилиш керак.
   

Лаборатория журналини юритиш тартиби.
Ҳар бир талабанинг лабораториядаги фаолиятини акс эттирувчи хужжат унинг лаборатория жарналидир. Демак лабораторияда ишлаётган ҳар қайси талаба ўз кузатишларини, ўтказган тажрибаларини, улар ҳақидаги мулоҳаза ва хулосаларни шу дафтарга батафсил ёзиб бориши лозим. Лаборатория журнали муқовасига талабанинг исми фамилияси, гуруҳ рақами ва «Физик кимёдан амалий иш» сўзи ёзилади. Лаборатория журнали сифатида катак чизиқли катта умумий дафтардан фойдаланиш мақсадга мувофиқдир. Озода, батартиб ва пухта ёзиб борилган лаборатория журнали талабага жорий назорат топширишида катта ёрдам беради.

Лаборатория № 1
КАЛОРИМЕТРИЯ
Ишнинг мақсади:

• 
  тузнинг сувда эриш интеграл иссиқлигини аниқлаш;
  
• 
  кристаллогидрат ҳосил бўлиш иссиқлигини аниқлаш;
  
• 
  нейтралланиш иссиқлигини аниқлаш.
  

Топшириқлар:

• 
  калориметрик системанинг иссиқлик сиғимини ҳисобланг;
  
• 
  Бекманнинг метастатик термометрини созланг;
  
• 
  Ланге-Мишченконинг график усулида ҳар бир тажриба учун Т нинг қийматини топинг;
  
• 
  Гесс қонуни бўйича кристаллогидрат ҳосил бўлиш иссиқлигини ҳисоблаш учун сувсиз тузнинг ва кристаллогидратнинг интеграл эриш иссиқликларини аниқланг;
  
• 
  суммар нейтралланиш иссиқлиги Н_к ни аниқланг;
  
• 
  кислотанинг суюлтириш иссиқлиги Н_суюл. ни аниқланг;
  
• 
  солиштирма нейтралланиш иссиқлиги h_сол. ни ҳисобланг;
  
• 
  молял нейтралланиш иссиқлиги Н_m ни ҳисобланг;
  
• 
  ўлчаш хатоликларини баҳоланг.