Физикавий кимё фанидан

Идиш доимийсини аниқлаш

Юзаси 1 см² ва орасидаги масофа 1 см бўлган икки электрод орасидаги ионларнинг ўтказувчанлиги солиштирма электр ўтказувчанлик дейилади. Лекин аслида электродларнинг атрофидаги ионлар ҳам электр токини ўтказишда қатнашгани учун электр ўтказувчанлик солиштирма электр ўтказувчанликка тенг бўлмасада, унга пропорционал бўлади. (3) тенгламадаги пропорционаллик коэффициенти k идиш доимийси дейилади, унинг қиймати /s нисбатга боғлиқ. Идиш доимийсини топиш учун солиштирма электр ўтказувчанлиги аниқ бўлган стандарт электролит эритмаларнинг (КСl, NaCl) бир неча концентрациядаги қаршиликлари ўлчанади ва k нинг қиймати (4) тенгламадан ҳисобланади. Идиш доимийсини топиш учун эритмалар 0,02 N ли КСl эритмасини кетма-кет суюлтириш 0,01; 0,005; 0,001 билан тайёрланади. Барча тажрибаларда идишдаги эритманинг ҳажми бир хил бўлиши шарт. Идиш дистилланган сувда, кейин 2-3 марта ўрганилаётган концентрацияли эритмада чайилади. Сўнгра идишга 20 мл 0,02 N ли КСl эритмаси пипетка ёрдамида қуйилади, бунда электродлар эритмага тўлиқ ботирилганлигига иқрор бўлиш лозим. Эритма солинган идиш ўлчаш схемасига уланади, 10-15 мин. давомида термостатлангандан сўнг ўлчашлар бошланади.
Ҳаракатчан контактни реохорднинг ўртасига қўйиб, магазинлар қаршилиги ёрдамида СД диагоналидан минимал ток ўтишига эришилади. Бу шароитда (2) тенгламага мувофиқ R_M нинг қиймати R_х га тенг бўлади, чунки l₂/l₁=1. Сўнгра R_M нинг қийматини 10-15% га камайтириб ёки кўпайтириб, ҳаракатчан контакт ёрдамида СД диагоналидаги ток кучининг минимал ҳолати топилади. Бундай ўлчашлар тажриба хатосининг кам бўлишини таъминлайди. Электр ўтказувчанликни ҳисоблаш учун R_х нинг ўртача қийматидан фойдаланилади. Жуда кичик концентрацияларда электролитнинг электр ўтказувчанлиги сув (æ 510^-6Смсм^-1) билан солиштирарли бўлиб қолгани учун, ҳисобларда буни эътиборга олиш зарур:
æ₀= æ_эритма- æ .
Тажриба натижалари 1-жадвалга ёзилади.
­­1-жадвал.
Идиш доимийсини аниқлаш натижалари

Т,К	с, гэкв/л	RM, Ом	l1, мм	l2, мм	RKCl, Ом	RKCl, Ом	ж10^3 См/см	k, см^-1	kcp, см^-1
298	0,02 0,01 0,005 0,001						2,7670 1,4130 0,7177 0,1469

2.