MAVZU: UMUMTA’LIM MAKTABLARINING FIZIKA O’QUV XONALARINI JIHOZLANISHINI TASHKIL ETISH.
MUNDARIJA:
I.KIRISH:
II.ASOSIY QISM:
I.BOB: UMUMTA’LIM MAKTABLARIDA FIZIKA XONALARINI JIHOZLASH
1.1. O’quv xonasini jihozlashda qo’yiladigan talablar.
1.2. Fizika fani xonasida moddiy-texnik ta’minot ob’ektlari va vositalarini tanlash.
II.BOB:FIZIKA FANI LABORATORIYA XONALARINI JIHOZLASH
2.1. Laboratoriya ustaxonasi uchun kerakli jihozlar
2.2. Laboratoriya ishlarni o’tkazishda texnika xavfsizlik qoidalari.
III.XULOSA
IV.FOYDALANILGAN ADABIYOTLAR
I.KIRISH:
Fizikadan umumiy o’rta ta'lim davlat o’quv dasturi O’zbekiston Respublikasining "Ta'lim to’grisidagi" Qonuni va Kadrlar tayyorlash milliy dasturini hayotga tadbiq etish maqsadida ishlab chiqilgan "Umumiy o’rta ta'lim maktablari uchun fizikadan davlat ta'lim standartlari asosida tuzilgan".
Prezidentimizning 2019-yil 17-yanvardagi “2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi Farmoni va 2019-yil 26-noyabrdagi “Zamonaviy maktab”larni tashkil etish chora-tadbirlari toʻgʻrisida”gi qarori ijrosini taʼminlash maqsadida umumiy oʻrta taʼlim muassasalari uchun zarur jihozlar va texnik vositalar meʼyorlari ishlab chiqildi.
Umumiy oʼrta taʼlim muassasalari hovlisini, bino yoʼlaklari hamda sinf xonalarini banner va stendlar bilan jihozlash hamda obodonlashtirishning namunaviy talablarini ishlab chiqishda oʼquvchi-yoshlarning psixofiziologik xususiyatlarini inobatga olgan holda ularni vatanparvarlik va maʼrifatparvarlik, qonunlarga hurmat ruhida tarbiyalash, badiiy-estetik didini rivojlantirish, ularning zararli taʼsirlar hamda oqimlarga qarshi maʼnaviy immunitetini mustahkamlash, kitobxonlik, mutolaaning inson kamolotidagi oʼrnini targʼib etish orqali jahon ilm-fani rivojiga hissa qoʼshgan olimlarning maʼnaviy merosini chuqur oʼrganishga alohida eʼtibor qaratildi.
Ushbu meʼyorga muvofiq, taʼlim muassasalarida axborot-kommunikatsiya texnologiyalarini keng joriy etish maqsadida har bir sinfxonasini oʻqituvchi uchun kompyuter texnikasi va elektron-interaktiv doskalari bilan taʼminlash koʻzda tutilgan.
Maktabda fizika ta'limining ahamiyati uning fan-texnika taraqqiyotida, ishlab chiqarish sohalarida va kundalik hayotda tutgan o’rni bilan belgilanadi. Umumiy o’rta ta'lim maktablarida fizika ta'limining asosiy vazifalaridan biri o’quvchilarni fizik hodisalar, tushunchalar, kattaliklar, modellar, qonunlar, ulchashlar, fizikadan amaldagi tatbiqlari, olamni fizik manzarasiga oid bilimlar bilan tanishtirish, shu bilan birga fizikaga oid asbob va uskunalardan, laboratoriya o’tkazish jarayonida sodda xulosalar chiqarish, xavsizlik qoidalariga rioya qilish malakalarini shakillantirishdan iborat.
Do'stlaringiz bilan baham: |