Fizikada olam mujassam

Fizika fanidan 8-sinf o'quvchilari ishtirokida "FIZIKADA OLAM MUJASSAM" tadbirini o'tkazish senariysi.

"Fizikada olam mujassam" tadbirini o'tkazishda 8-A sinf o'quvchilaridan tanlab olindi. Tadbirda 2 ta guruh o'zaro bellashishadi va shu orqali fizika fanidan bilimlarini sinovdan o'tkazishadi. Har bir guruhda 6 nafar ishtirokchi qatnashishadi. tadbirni 2 ta boshlovchi olib boradi. Tadbirimiz 6 ta shart yuzasidan olib boriladi.

Bular:

1. Olimlar gulshani

2. Qonunlar sharxi

3. Tezkor savol-javob

4. Formula yozish va izohlash

5. Aqlli bekat (masala yechish)

6. Zukkolar boshqotirmasi (krosvord)

"FIZIKADA OLAM MUJASSAM"

1-boshlovchi

Bugun baxtdan, hur hayotdan

Entikadi bu dillar.

Mustaqillikni madh aylab

Shodon yayrar ko'ngillar

Aziz do'stlar,vatandoshlar,

Sizga bo'lsin ehtirom

Fizikaga oshnolarga

Bo'lsin salom assalom

2-boshlovchi__Assalomu_aleykum,_aziz_dostlar,_xurmatli_ustozlar_tadbirimiz_mehmonlari._Fizika_olamiga_xush_kelibsiz.__1-boshlovchi'>2-boshlovchi

Assalomu aleykum, aziz do'stlar, xurmatli ustozlar tadbirimiz mehmonlari. Fizika olamiga xush kelibsiz.

1-boshlovchi

Fizika fan oyligiga bag'ishlangan " Fizikada olam mujassam" deb nomlangan tadbirimizni ochiq deb e'lon qilamiz.

2-boshlovchi

Marhamat sahnaga guruhlarimiz ishtirokchilarini taklif qilamiz.

1-guruh "Faradey jamoasi"

2-guruh "Kulon jamoasi"

1-boshlovchi

Tadbirimizda jamoalar 6 ta shart yuzasidan bellashishadi, ya'ni shu orqali fizika fanidan bilimlarini sinovdan o'tkazishadi. shartlarimiz quyidagicha:

1-shart:

Olimlar gulshani. Bu shartda jamoalarimiz har bittasi 1 ta fizik olimni tanlab shu olim haqida eng kamida 12 ta ma'lumot aytishlari kerak bo'ladi. Qaysi jamoa ko'p ma'lumot aytsa o'sha jamoa shu shartda g'olib bo'ladi.

2-boshlovchi

2-shart:

Qonunlar sharxi deb nomlanadi. Bu shartda ishtirokchilarimiz eng ko'p qonun ya'ni fizik qoidalarni aytishi kerak bo'ladi.

1-boshlovchi

3-shart:

Tezkor savol-javob sharti. Bu shartda har bir guruhdan 1 tadan o'quvchi chiqib savol tanlab olib ularga tezda javob berishlari kerak bo'ladi.

2-boshlovchi

4-shart:

Formula yozish va izohlash. Bu shartda eng ko'p formula yozish va izohlash kerak bo'ladi. Shartda har bir jamoamizdan 1 tadan ishtirokchi qatnashadi va ularga 2 daqiqa vaqt beriladi.

1-boshlovchi

5-shart:

Aqlli bekat sharti. Bu shartimizda jamoalarimiz guruh bo'lib 1 ta masala yechishlari kerak. buning uchun ularga 5 daqiqa vaqt beriladi.

2-boshlovchi

6-shart:

Zukkolar boshqotirmasi deb nomlanadi. Bu shartda har bir guruhimiz o'zi tayyorlab kelgan krosvordini 2-guruhga taqdim etishi kerak bo'ladi. Shartni bajarish uchun guruhlarimizga 5 daqiqa vaqt beriladi.

1-boshlovchi

Demak, shartlarimiz tushunarli bo'lsa 2 ta jamoaga ham omad tilagan holda 1 shartni boshlaymiz. bu shartni Faradey jamoasi boshlab beradi.