«физика ва астрономия тарихи» ЎҚув фани бўйича таълим технологияси

«Классик механика» ЎҚУВ ФАНИ БЎЙИЧА ТАЪЛИМ ТЕХНОЛОГИЯСИ


1. «Классик механика» фанининг асосий мақсад ва вазифалари


Кириш
Кадрлар тайёрлаш миллий дастурида белгиланган ва замон талабларидан келиб чиққан асосий муҳим вазифаларидан бири - касбий, табиий-илмий ва техника таълим соҳаларини гуманитарлаштириш,бўлажак мутахассисларнинг илмий дунёқрашини шакллантириш, ижодий таффакурини ривожлантиришдир.
Бундай вазифаларни тўлиқ амалга оширилиши учун мақсадли равишда талабаларга ўқув режадаги мажбурий фанлар ва билимлар билан бир қаторда умуминсоний маданий қадриятларни, айниқса, касб ва касбий маҳоратга, компетентликка тегишли кўпгина тарихий, фалсафий, иқтисодий, ҳуқуқий ва бошқа қўшимча гуманитар билимлар бериш, бу билимларни ёшларнинг онгига сингдириш каби таълимни гуманитарлаштириш бўйича ишларни олиб бориш зарур.
Уларни амалга ошириш, ташкил қилиш осон ва бир маъноли бўлмайди, чунки табиий илм-фан ва техник маҳорат, қадрият ва билимларни юқорига қўйган, олий даражада деб ҳисоблаган инсонларни, айниқса, ёшларни гуманитар билим ва маълумотларга қаратиш ва қизиқтириш маҳсус услубий ва педагогик ёндашишни талаб этади.
Гуманитар билим беришдаги услубий ёндошувлар табиий фанларда қўлланадиган ёндошувдан анчагина фарқланади. Шунинг учун, илмий табиий соҳани гуманитарлаштиришда бирини бири (гуманитар ва табиий билим турларни) тўлдира олувчи ва мословчи оптимал ўқитиш методикасини яратиш, бир пайтда ҳам гуманитар ҳам илмий табиий услубий ёндошишни талаб этувчи ўқув фан имкониятларидан фойдаланиш орқали самарали амалга оширилади.
5140200 - Физика ва астрономия, 5440100 – Физика, 5440200 – Механика, 5440300 - Астрономия ва бошқа айрим таълим йўналишларини ўқув режаларига кирадиган “Физика ва астрономия тарихи” бундай икки тарафлама (гуманитар ва табиий ёндошувни бир пайтда талаб этувчи) фан сифатида қўлланади. Айниқса, бўлажак физика ўқитувчиларни тайёрлашда уларни инсонпарварлик руҳини кучайтиришда тарихий ёндошувнинг моҳияти жуда юқоридир.
Физика ва астрономия ўз тарихини қадимий замонлардан бошлайди ва хозирги пайтгача бу фанлар жуда катта ҳажмли маълумотларга эга.
Келажак ёшларимиз онгида табиий-илмий дунёқарашни шакллантириш, ўзликни англаш, миллий қадриятларимизни авайлаш, миллий истиқлол ғоя туйғусини сингдириш мақсадида асрлар давомида илм фанга муносиб ҳисса қўшган буюк шаҳслар орасида Шарқ алломалари, Марказий Осиё олимлари, айниқса, ватанимиз олимларнинг ўрни алоҳида эътиборга лойиқдир. Айнан шунинг учун улар хақида маълумотлар ўрганилади ва илмий изланишлари билан бир қаторда уларнинг ҳаётий фаолияларидаги инсонийлик фазилатларини намойиш қилувчи мисоллар келтирилади.
Буюк авлодларимиз билан бир қаторда, Ўзбекистонда физика ва астрономиясининг ривожланишига ҳисса қўшган замонавий олимлар ва уларнинг илмий фаолиятларига алохида урғу берилади.