Fizika va astronomiya o’qitish metodikasi” yo’nalishi 16. 10 – guruh talabasi Dilnoza Foziljonovaning

II BOB. FIZIKA DARSLARIDA DIDAKTIK O’YINLAR O’TKAZISH METODIKASI.
2.1.Didaktik o‘yinli darslarning asosiy turlari.
Davlat talabi: Ta’lim jarayonida o’quvchi-yoshlarni faollashtiruvchi mashqlardan foydalanishni bilishi. Ta’limda didaktik o’yinlardan foydalana bilishi.
Darsning maqsadi: Tinglovchilarning “Ta’lim jarayonida o’quvchi-yoshlarni faollashtiruvchi mashqlardan foydalanish” va “Ta’limda didaktik o’yinlardan foydalanish” to’g’risidagi bilimlarini chuqurlashtirish, malakalarini oshirish.
Kutilayotgan natijalar: Tinglovchilar “Ta’lim jarayonida o’quvchi-yoshlarni faollashtiruvchi mashqlardan va didaktik o’yinlardan foydalanib ta’lim samaradorligini oshirishga erishadilar.
Blits o’yini
Blits so’zi lnglizcha so’zdan olingan bo’lib “ketma-ket” ma’nosini bildiradi. Blits o’yinidan foydalanmoqchi bo’lsak ilovaga ko’rsatilgandek jadval tuzish lozim. Jadvalga biror mavzu bo’yicha masalan “Fizika tarixi” bo’lsin. Harakatlar mazmuni o’ng tomonda yoziladi. Harakatlar mazmunini o’qib qaysi harakat birinchi, qaysisi ikkinchi va hokazo bo’lishini o’quvchi aniqlashi lozim. Shu harakat rasm sifatida ham berilishi mumkin. Aniqlashda avval yakka javob qismiga yozib chiqadi. Shu ish guruhda ko’rib chiqiladi va kelishib harakatlar ketma-ketligiga guruh javobi qo’yiladi. Keyingi qadamda to’g’ri javob aytiladi yoki darslikni ochib o’qib to’g’ri javobni qo’yish topshiriladi, jadvaldagi to’g’ri javob bo’limi to’ldiriladi.(Raqamlar qo’yiladi)
Keyingi qadamda yakka javob va guruh jamoasi javobi keltitib chiqariladi. Buning uchun to’g’ri javob bo’lsa 1, noto’g’ri javob bo’lsa 0 qo’yish kerak. Keyingi qadamda 1 lar sonini qo’shib oxiriga yoziladi. Yakka baho va guruh bahosi chiqariladi. Chiqarish tartibi: To’g’ri javoblar soni 100 foiz bo’lsa 5 ball qo’yiladi, 75 foiz bo’lsa 4 ball, 50 foiz bo’lsa 3 ball, 50 foizdan kam bo’lsa 2 ball qo’yiladi.

“Do’stingni top” o’yini.

Butun sinf o’quvchilariga kartochkalar beriladi. Kartochkalarda fizik kattaliklarning belgilari yozilgan. Bolalarning vazifasi 3 minut davomida o’ziga berilgan fizik belgi bilan formula tuzish mumkin bo’gan belgili o’quvchini ya’ni qo’shnisini topish. Topgandan so’ng 3 ta belgini to’g’ri joylashtirib qaysi fizik kattalikning belgisi paydo bo’lganini aytib berish. U haqida biladigan barcha ma’lumotlarni aytish. O’yin tugagandan so’ng o’quvchilarni rag’batlantirish va ularning o’yinga munosabatlarini so’rab olish.