Mundareja

Samarqand – 2012
Samarqand davlat universiteti fizika fakulteti

«Nazariy fizika va kvant elektronikasi » kafedrasi majlisining

№ 10 - bayonnomasidan
K O` CH I R M A

2012 yil 15 iyun

Qatnashdilar: Kafedra a’zolarining 13 nafari.

Majlis raisi: dots. Xaydarov X.S

Kotib: Ismailov F.R
KUN TARTIBI:

1. «Nazariy fizika va kvant elektronikasi» 2011 - 2012 o`quv yilida bajarilgan malakaviy bitiruv ishlarining bitiruv oldi himoyasi va ularni himoyaga tavsiya etish haqida.

ESHITILDI: 2011 - 2012 o`quv yilida bajarilgan malakaviy bitiruv ishlari bilan majlis qatnashchilarini kafedra professori Sabirov L.M tanishtirdi va quyidagilarni bayon qildi:

2011 - 2012 o`quv yilida fizika yo`nalishining bitiruvchi kurs talabasi Xo`janov Shahriyor “Eritmalarda sochilgan yorug`lik intensivligining burchakka bog`likligini tadqiq qilish” mavzusida malakaviy bitiruv ishini yozdi. Ilmiy rahbari dots. X. Xaydarov. Talaba ushbu mavzu bo`yicha yozgan ishini kafedraga taqdim etgan. Ish yuzasidan ilmiy rahbarning ijobiy mulohazalari ham bor. Shuning uchun so`zni Xo`janov Shahriyorga bersak. U malakaviy bitiruv ishining mazmuni bilan tanishtirsa.

Xo`janov Shahriyor malakaviy bitiruv ishining mazmun - mohiyati haqida gapirib, mavzuning dolzarbligi, o`rganilish darajasi, ilmiy va amaliy ahamiyati, amalga oshirilgan ishlar haqida gapirdi.

Shundan so`ng talabaga dots. Xaydarov X.S, prof. O.Q. L.M. Sabirovlar savollar berishdi. Savollarga u qoniqarli javob berdi.

Xo`janov Shahriyorning chiqishi, savol - javoblardan so`ng mazkur malakaviy bitiruv ishini YaDAga himoyaga tavsiya etish haqida fikr - mulohazalar bildirildi.

QAROR QILINDI:

1. 
   Fizika fakulteti fizika yo`nalishi bitiruvchi kurs talabasi Xo`janov Shahriyor “Eritmalarda sochilgan yorug`lik intensivligining burchakka bog`liqligini tadqiq qilish” malakaviy bitiruv ishi talabga javob beradi deb hisoblansin va YaDAga himoyaga tavsiya etilsin.
   
2. 
   Xo`janov Shahriyorning ushbu malakavy bitiruv ishiga SamQXI tabiiy fanlar kafedrasi dotsenti Ismailov E taqrizchi qilib belgilansin.