Fizik kimyodan laboratoriya mashg’uloti 6-laboratoriya ishi

AMALIY QISM
Titrlash 1-2 ml li mikrobyuretka yordamida platina elektrodlari tushirilgan yacheykada olib boriladi. Konduktometrik titrlashda idishning doimiysini aniqlash talab qilinmaydi, chunki maqsadi faqat ekvivalent nuqtani topishdan iborat. Lekin titrlash davomida eritmaning hajmi kuchli o‘zgarib ketishiga yo‘l qo‘ymaslik kerak, aks holda suyultirish natijasida elektr o‘tkazuvchanlik pasayib ketadi. Shu sababli iloji boricha yuqori konsentratsiyali titrant ishlatiladi. Yacheykaga 5-10 ml 0,25 N li kislota quyiladi, elektrodlar tushiriladi va Kolraush ko‘prigiga ulanadi. Harakatlanuvchi kontaktni reoxordning o‘rtasiga qo‘yib, qarshiliklar magazinidan R_M ning qiymati topiladi. Ushbu qiymat (1) tenglamaga muvofiq l₂l₁= 1 da eritmaning qarshiligi R_x ga teng va ko‘prik diagonali bo‘yicha tok kuchi minimal qiymatga ega bo‘ladi. Eritmaning qarshiligi R_x bir necha marta aniqlanadi va o‘rtacha qiymat olinadi. So‘ngra, eritmani magnit aralashtirgich yordamida aralashtirib turgan xolda, byuretkadan 0,1 sm³ ulushlarda ishqorning 2,0 N li titrlangan eritmasidan quyib boriladi. Har bir quyilgan ishqorning aniq hajmi topiladi, eritmaning R_x qarshiligi va elektr o‘tkazuvchanligi hisoblanadi. 1R=f (V_NaOH) yoki =f(V_NaOH) bog‘liqlik grafigi chiziladi. Grafikda to‘g‘ri chiziqli bog‘lanish sohalariga ega bo‘lgan siniq chiziq hosil bo‘ladi, ushbu siniq chiziqning kesishgan nuqtasi ekvivalent nuqtaga javob beradi. Chiziqlar to‘g‘ri bo‘lishi uchun titrlanayotgan eritmaning hajmi deyarli o‘zgarmasligi kerak, shuning uchun titrlashga ishqorning yuqoriroq konsentratsiyasi olinadi (titrantning konsentratsiyasi titrlanayotgan eritmaning konsentratsiyasidan 5-10 marta yuqori bo‘lishi kerak), hamda titrlanayotgan kislota eritmasiga 150 ml distillangan suv quyiladi.
Ekvivalent nuqtada kislota va ishqor eritmalarining g-ekv lar soni teng V_xc_x=V_Tc_T (bu erda c_x va c_T eritmaning va titrantning g-ekvl lardagi konsentratsiyalari) bo‘lgani uchun, titrlanayotgan eritmaning konsentratsiyasini yoki hajmini yuqoridagi tenglamalardan aniqlash mumkin.
Olingan natijalar quyidagi jadvallarga yoziladi.