Fibrinogen

Mustaqil ish
Bahtiyorov Sardor
102-guruh

FIBRINOGEN

Fibrinogen (fibrin va ... gen) — qon plazmasining globulinlar guruhiga kiruvchi eriydigan oqsili. Trombin taʼsirida fibringa aylanib, qonni ivitadi (qarang Qon ivishi). Jigarning parenxematoz hujayralarida hosil boʻladi. Sogʻlom odam qon plazmasidagi F. miqdori 300–500 mg%. F. turli operatsiyalarda, gemofiliya va boshqa kasalliklarda qon oqishini toʻxtatish uchun ishlatiladi. Lab. tadqiqotlarida F. preparatlaridan foydalaniladi. Odam qonidan olingan F. klinikada ishlatiladi.

Jgut (rus.) — qon toʻxtatishda qoʻllaniladigan vosita; elastik rezina naycha yoki bint. 1873-yilda nemis xirurgi F. Esmarx tavsiya etgan. Qoʻloyoq jarohatlanganda yoki operatsiya qilinganda qon toʻxtatish uchun, shuningdek, venadan qon olishda, venata dori yuborishda va qon kuyishda ishlatiladi.

Fassiyalar (lot. fascia — bogʻlov) — har bir muskulni oʻrab turadigan biriktiruvchi toʻqimadan iborat parda. Odam va hayvonlarning aʼzolari, nerv, qon tomirlarini oʻrab, muskullar uchun fassial gʻilof hosil qiladi. Tayanch va trofik vazifalarni bajaradi. F. bir muskulni ikkinchi muskuldan ajratib, har qaysi muskulning alohida qisqarishini taʼminlaydi. F., odatda, qavatmaqavat muskullarni oʻrab turadi. Shu bois ular joylashgan oʻrniga qarab chuqur, oʻrta va yuza yoki teri osti F.iga ajratiladi. Yuza yoki teri osti F. teri osti yogʻ qavatida joylashib, odamlarda qoʻloyoq kaft terisining ostida, boshning sochli qismida aponevrozlar hosil qiladi. F. qon tomirlari va nervlarga boy. F. tibbiyot amaliyotida katta ahamiyatga ega.