Fermentativ reaktsiyalar kinetikasi

4. Termodinamika – energiyani bir turdan ikkinchi turga o’tishini, ya’ni energiya transformasiyasini o’rganadigan fizikaning bo’limidir. Termodinamik tizim deyilganda ichida ro’y beradigan jarayonlarni o’rganib chiqish osonroq bo’lishi uchun atrofdagi fazodan shartli ravishda ajratib qo’yilgan jism yoki jismlar yig’indisi tushuniladi. Tizimning holati esa barcha fizik va kimyoviy xossalarga bog’liq bo’ladiki, bu xossalarning o’zgarishi tizim holatining o’zgarishiga olib keladi. Tizim holatining ana shunday parametrlari jumlasiga harorat T, bosim R, hajm V, massa M, ichki energiya U, konsentrasiya S, entropiya S va boshqalar kiradi.
Biologik tizimlar ochiq tizimga kiradi, chunki tashqi muhitdan qabul qilingan mahsulot hisobiga organizm rivojlanadi va yashaydi, ya’ni modda almashinuvi doimo yuz berib turadi. Umuman tirik organizm stasionar holatda bo’lmaydigan rivojlanuvchi tizimdir. Ammo odatda kichik vaqt oralig’ida biologik tizimlar holatini stasionar holat deb olish mumkin. Stasionar holatda bo’lganda tizimning turli qismlaridagi parametr-larning qiymatlari odatda bir-biridan farq qiladi: odam tanasining turli qismlari harorati, biologik membrananinng turli qismlaridagi diffuziyalanuvchi molekulalar konsentrasiyasi va hokazolar. Shunday qilib, tizimayrim parametrlarining gradiyenti doimiy tutib turiladi, shu sababli kimyoviy reaksiyalar o’zgarmas tezlik bilan o’tishi mumkin. Har qanday real termodinamik tizim ochiq tizimdir, lekin ma’lum vaqt oralig’ida ideal model yopiq tizim deb olish mumkin. Yopiq tizimning atrofidagi jismlar bilan o’zaro ta’sirini batafsilroq qarab chiqamiz. Issiqlik jarayonlari uchun energiyaning saqlanish qonuni termodinamikaning birinchi qonuni kabi ta’riflanadi.
Foydalanilgan adabiyotlar:


1. Pleshkov B.P. Bioximiya selskoxozyaystvennx rasteniy. M. “Kolos” 1969 g.
2. Lebedov S.I. Fiziologiya rasteniy. M. 1988 g.
3. Yakushkina N.I. Fiziologiya rasteniy. M. 1980 g.
4.Mustaqimov G.D. O`simliklar fiziologiyasi va mikrobiologiya asoslari. T. 1995 y.
4. Xo`jaev J. X O`simliklar fiziologiyasi Toshkent “Mexnat” 2004
5. Rubin B.A. Kurs fiziologii rasteniy. M. 1976 g.
6. www.ziyonet.uz