Fe’llarning munosabat shakllari boʻyicha mashq va topshiriqlar

Mazlumga yaxshilik qilsang, zolimdan omonda boʻlasan. Agar kuchlilardan zarar koʻrmayin desang, kuchsizlarga foyda yetkaz. Kimki umrini mardlar xizmati uchun sarflasa, umri oʻtsa hamki, abadiy umr egasi boʻladi. Chuchuk til achchiqqa aylansa, koʻpchilikka zarari tegadi. Agar shoh adolatparvar boʻlsa, aholisida ham adolat asarlari boʻladi. Qanoat bir qoʻrgʻonki, unga kirsang, nafsning gʻalvasidan qutulasan. Agar kishi odob va tavoze’ kabi yaxshi xulqqa ega boʻlsa, oʻzi ham xalqning izzat-hurmatiga sazovor boʻladi.
Alisher Navoiy
“Mahbub ul qulub” (“Koʻngillarning sevgani”)dan
Oʻquvchilarga sintaktik shakl yasovchilar haqida lingvistik bilimlarni berish asnosida bir paytning oʻzida ularga soʻzlarning turli ma’no qirralarini tushuna olish, lugʻatlar bilan ishlash imkoniyatini ham yaratib berish, shunga mos mashq va topshiriqlar tizimini yaratish lozim. Shunday mashq va topshiriqlar tizimini yaratish joizki, bunda tilimizga xos soʻz, ibora, maqol, matallar, ularning qoʻllanishi, imlosi kabi masalalar maktab ona tili ta'limi mazmunining asosi, oʻzagini tashkil etishi kerak.