Favqulodda vaziyatlar va aholi muhofazasi

1.1. Bosqich ishining tarkibiy qismi.
Bosqich ishni bajarishdan maqsad talabalar tomonidan olingan nazariy bilimlarni qo’llashdir. Bunda orqali, kimyoviy xavfli ob'ektlarda yuzaga kelishi mumkin bo'lgan vaziyatni bashorat qilish orqali talabalar mustaqil ishlash ko'nikmalarini shakllantirish tizimini yaratish jarayonida samarali hisoblanib, bu bitiruvchilarning kelgusidagi faoliyati majburiyatlariga mos keladi.
Bosqich ishini bajarish uchun talabalarning har biriga topshiriq beriladi. Bu topshiriqda kimyoviy ifloslanish hududidagi (aholi zichligi, shaharda, shahar atrofida), Aholini gaz niqoblari bilan ta'minlash (shaharda, shahar atrofi hududida), Aholini boshpanalar bilan ta'minlash (shaharda, shahar atrofi hududida), Xavfli kimyoviy moddalar chiqadigan manbadan aholi punktigacha bo'lgan masofa va Aholi punkti haqida ma’lumot beriladi.
Bosqich ishini bajarishda talaba quydagi masalalarni ketma-ketlikda yechib boradi:
- berilgan topshiriqa asosan xavfli moddalarning tarqalish chuqurligini aniqlab oladi;
- xavfli kimyoviy moddalarning birlamchi va ikkilamchi bulutlarining tarqalish chuqurligini interpolatsiya qilish orqali aniqlab oladi;
- xavfli kimyoviy moddalar bilan zaharlanish ehtimoli boʻlgan zonaning maydonini aniqlab oladi va hisoblaydi;
- xavfli kimyoviy moddalar bilan zaharlangan zonasining haqiqiy maydonini hisoblaydi;
- kimyoviy xavfli ob'ektdagi avariya natijasida zararli kimyoviy moddalar bilan ifloslangan havo bulutining aholi punktlariga yaqinlashish vaqtini aniqlaydi;
- dastlabki ma'lumotlar orqali aholini kutilayotgan yo'qotishlarini va ularning tuzilishini hisoblaydi;
- xavfli kimyoviy moddalar bilan aholining mumkin bo'lgan umumiy yo'qotishlarining miqdori zarar yetkazish markazida qiymatini hisoblaydi;
- zaharlangan havo bulutidagi xavfli kimyoviy moddalarning ekvivalent miqdorini hisoblaydi;
- shamol gulini qurish usulidan foydalanib uni hisoblaydi;
- aholini evokuatsiya qilish vaqtini hisoblaydi.
Barcha hisob-grafik ishlarni uslubiy qo’lanmada keltirilgan misollarga tayanib yozma materallar, jadvallar va grafik sxemalari chizish orqali izohnoma shaklida bayon etiladi.