Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

8.Harakatlardan, boshqacha qilib aytganda a`zo harakatlaridan olinadigan 
dalillar. 
Agar harakatlar hamma vaqt tabiiy holatda sodir bo`lsa, hamda  takomillashgan 
bo`lsa  bu  mizojni  mo`tadilligidan  dalolat  beradi,  ammo  harakatlar  o`zgargan  va 
haddan tashqari ko`p va tez  harakat qilsa,  uning mizoji issiqlikdan guvohlik beradi. 
Masalan,  gavdaning  tez  o`sishi,  soch  va  tishlarning  tez  o`sishi,  agar  bu  o`sishlar 
sekin  bo`lsa  mizojning  sovuqligidan  dalolat  beradi.  Ammo  shuni  ham  ta`kidlash 
kerakki, ba`zida issiq mizojlilik tufayli harakatlar sekinlashadi, lekin bu sekinlashish 
tabiiy  yo`ldan  chetga  chiqish  bilan  kechadi.  Masalan,  issiq  mizojlilik  tufayli  uyqu 
yo`qolishi yoki kamayishi mumkin. 
         Nutqning tez va ravonligi, ovozning kuchli va keskinligi, serjahllik, harakat 
va  ko`zni  tez  ochib  yumishlilik  kabilar  mizojning  issiqligidan  dalolat  bersa,  sekin, 
chala nutq, ovozning pastligi, bosinqirashlik, befarqlik, yalqovlik kabilar mizojning 
sovuqligidan dalolat beradi.