Farmasevtikada boshqaruv fanidan o‘quv-uslubiy majmua

KIRISH

1. 
   O‘quv fani o‘qitilishi bo‘yicha uslubiy ko‘rsatmalar
   

O‘zbekistonda farmatsevtika tizimining takomillashuvi, bu tizimdagi islohotlarning samarali rivoji va xalqaro standartlar miqyosida hayotga tatbiq etilishi ko‘p jihatdan zamon talabiga javob beradigan farmatsevt-mutaxassislarni tayyorlash sifatiga bog‘liq. Hozirgi sharoitda OTMni bitirgan farmatsevt kadrlar o‘zgaruvchan bozor sharoitida yangicha tafakkur asosida faoliyat yuritishlari uchun ular zamonaviy bilimlarga ega bo‘lishlari, iqtisodiy jihatdan yetuk mutaxassis bo‘lishlari kerak. Farmatsevtika tashkilotlarida boshqaruv tizimi mutaxassislik fani bo‘yicha bilim saviyasi esa mutaxassislarining boshqaruv va marketing asoslari bo‘yicha bilim va ko‘nikmalarining mukammalligiga bog‘liq. Shu bilan birga, farmatsiya (farmatsevtika ishi), farmatsiya (farmatsevtik taxlil), farmatsiya (klinik farmatsiya) va kasbiy ta’lim (farmatsevtika ishi) yo‘nalishlari uchun mo‘ljallangan Farmatsevtikada boshqaruv asoslari mutaxassislik fani ushbu bilimlarni shakllantirishni ko‘zda tutadi. Farmatsiya fakulteti bakalavriat talabalari mutaxassislik fanlari bo‘yicha kelgusi boshqaruv faoliyatlari uchun zaruriy bilimlar va ko‘nikmalarni olib, farmatsevtika sohasi uchun yuqori malakali va raqobatbardosh kadrlar sifatida shakllanadilar.
Fanni o‘qitishdan maqsad. Farmatsevtika faoliyatini zamonaviy talablar asosida tashkil etish uchun malakali boshqaruvchi kadrlarni tayyorlash bo‘lib, ushbu maqsadga erishish uchun Farmatsevtikada boshqaruv mutaxassislik fani bo‘yicha bilim va ko‘nikmalarni shakllantirish asosida respublika aholisi va davolash-profilaktika muassasalarini dori vositalari va tibbiyot buyumlariga bo‘lgan talabini qondirishda samarali boshqaruv tizimini shakllantirish va uni rivojlantirishdir.
Fanning vazifalari. Ushbu maqsadga erishish uchun bilim va ko‘nikmalarni shakllantirish asosida respublika aholisi va davolash-profilaktika muassasalarining dori vositalari va tibbiyot buyumlariga bo‘lgan talabini qondirishda samarali boshqaruv asosini shakllantirish va uni rivojlantirish nazarda tutiladi.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi:
Talaba:

• 
  Farmasevtikada boshqaruv mohiyati;
  
• 
  boshqaruv qarorlarini qabul qilish jarayoni va bosqichlari;
  
• 
  rahbarlik uslublari va ularning qo‘llanishi to‘g‘risida tasavvurga ega bo‘lishi;
  

• 
  xodimlar bilan ishni tashkillashtirish, kadrlar boshqaruvi;
  
• 
  boshqaruvning funksiyalari;
  
• 
  dorixona mussasalari va farmasevtik korxonalarini boshqarish usullarini
  
• 
  farmasevtik tovarlar narx siyosatini belgilashni bilish va ulardan foydalana olishi;
  
• 
  turli mulkchilik shaklidagi dorixonalar, farmasevtik tashkilotlarni boshqarish tizimini tashkillashtirishni bilishi;
  
• 
  farmasevtik boshqaruv muammolarining tahlili
  
• 
  Xalqaro sifat standartlari (GMP, GLP, GCP, GPP,GDP, ISO 9001)
  
• 
  farmasevtikada marketing boshqaruvi
  
• 
  bozor infratuzilmasi
  
• 
  Marketing - miks
  
• 
  istemolchilarning turi, talab va taklif tushunchalari bo‘yicha ko‘nikmalarga ega bo‘lishi kerak.